Inalis na ng pulisya ang live-in partner ng American Marine Biologist na si Kent Carpenter sa listahan ng persons of interest sa pagkamatay ng doktor.
Ayon kay Negros Oriental Provincial Police Office Director Colonel Timmar Alam, itinuturing na ngayong complainant-witness sa kaso ang live-in partner ng biktima matapos lumabas na mayroon siyang mahalagang impormasyon tungkol sa mga suspek.
Nauna nang kinumpirma ni PNP Public Information Chief, Col. Allan Rae Co ang pagkakaaresto ng tatlo sa apat na suspek sa pagpatay kay carpenter, matapos barilin sa loob ng kanyang bahay sa Barangay Ajong, Sibulan, Negros Oriental Noong July 12.
Inakusahan din ang isa sa suspek na nanghalay sa live-in partner ng biktima, habang ang ilan ay dati na ring naharap sa kasong pagnanakaw.
Nilinaw naman ng pambansang pulisya na nananatiling robbery ang nakikitang motibo sa pamamaslang. | mula sa panulat ni Jordan Gutierrez
