Inihayag ni dating Senate President Franklin Drilon na maaari pa ring mag-adjourn sine die ang Senado sa Hunyo 5 kahit hindi pa muling magbukas ang sesyon.
Sa ilalim ng nakatakdang legislative calendar, ang huling araw ng sesyon ay Hunyo 3, at ang adjournment ay sa Hunyo 5.
Paliwanag ni Drilon, kahit hindi magtipon ang mga senador, awtomatikong matatapos ang sesyon sa itinakdang petsa sa kalendaryo.
“Even without convening, sine die adjournment will happen ipso facto on Friday,” ani Drilon.
Kaugnay ito ng hindi pagdalo ng 13 senador ng Majority bloc sa nakaraang dalawang sesyon, dahilan para maiwan sa plenaryo ang 11 miyembro ng minority sa loob ng ilang oras.
