Nagsimula na rin ng kanya-kanyang mass testing sa coronavirus disease 2019 (COVID-19) ang ilang local government units.
Pinasimulan ito ng Valenzuela City noon pang nakaraang linggo.
Ini-anunsyo naman ng Manila City Government ang pagsisimula ng COVID-19 mass testing at target nila ang mahigit sa 1,600 tests kada linggo.
Sa breakdown na nasa fb page ng Manila PIO 50 tests ang kayang isagawa sa Del Pan Quarantine Facility 20 sa ospital ng Maynila, 30 sa Santa Ana Hospital, 50 sa Gat Andres Bonifacio Memorial Medical Center, 17 sa ospital ng Tondo, 15 sa Justice Jose Abad Santos General Hospital at 50 sa ospital ng Sampaloc.
Kaninang umaga, inilunsad naman ng Quezon City Government ang kanilang community based mass testing.
