Pinaghahandaan na ng mga LGU’s sa NCR ang ikalawang phase ng pediatric vaccination na nakatakdang isagawa sa Biyernes.
Kabilang sa mga ininspeksiyon ng Department of Health at National Vaccination Operations Center ang Navotas City Hospital, na nagsagawa rin ng dry run ng Pediatric COVID-19 Vaccination kahapon.
Inirekomenda naman ng lokal na pamahalaan ng Mandaluyong City na isagawa ang pagbabakuna sa mega trade hall ng SM Megamall kung saan target na mabakunahan ang 120 mga batang may comorbidities.
Habang ang Marikina Sports Center naman ang napiling lugar para sa pediatric vaccination sa Marikina kung saan mayroong Medical Consultation Area para sa mga wala pang medical certificate at clearance.
Sa Oreta Sports Complex naman nakatakdang isasagawa ang pagbabakuna sa mga menor de edad sa Malabon City. —sa panulat ni Hya Ludivico
