Isasara ng Manila Development Authority (MMDA) ang ilang kalsada na sakop ng Roxas Boulevard sa Maynila kasabay ng ika-124 selebrasyon ng Araw ng Kalayaan bukas, Hunyo 12.
Batay sa abiso ng MMDA, sarado muna sa mga motorista ang kahabaan ng Roxas Boulevard southbound at northbound simula Katigbak Drive hanggang TM Kalaw simula alas 6:00 ng umaga.
Habang simula alas 3:00 ng hapon, hindi muna maaaring dumaan ang mga motorista sa TM Kalaw Street hanggang President Quirino Avenue para naman sa muling pagbubukas ng dolomite beach at pagpapasinaya sa World War II Heritage Cannon.
Nag-abiso naman sa mga motorista ang MMDA na planuhin na ang kanilang biyahe at dumaan sa alternatibong ruta na naka-post sa social media pages ng MMDA.
