Isinilang ngayong araw sa Maynila ang ika-8 bilyong tao sa buong mundo.
Ayon kay Dr. Romeo Bituin, Chief Medical Professional Staff ng Dr. Jose Fabella Memorial Hospital, kaninang ala-1:29 ng madaling araw isinilang ang baby girl sa pamamagitan ng normal delivery, na pinangalanang si Vinice Mabansag.
Tuwang-tuwa naman ang ina ni Vinice na si Maria Margarette Villorente na ikinokonsiderang big blessing ang kaniyang newborn baby.
Matatandaang una rito, sinabi ng United Nations na sasampa na sa walong bilyon ang tao sa buong mundo na magaganap sa kalagitnaan ng Nobyembre.
