Naniniwala ang International Criminal Court-accredited lawyer na si Atty. Gilbert Andres na malabong pagbigyan ng ICC ang hirit na interim release ni dating Pangulong Rodrigo Duterte.
Ipinaliwanag ni Atty. Andres na wala pang sinumang kinasuhan ng crimes against humanity ang pinayagan ng ICC na pansamantalang lumaya dahil na rin sa bigat ng kaso.
Gayunman, may mga pagkakataon anya sa kanyang natatandaan na pinagbigyan ang hiling na interim release, subalit pawang magaan na mga kaso lamang ang mga ito.
Nakatakdang desisyunan ng ICC ang hiling ng kampo ni Duterte na pansamantalang paglaya sa Biyernes, Nobyembre 28.
