Handang pumalit si Vice President Sara Duterte sa pagka-Pangulo sakaling magbitiw sa puwesto si Pangulong Ferdinand Marcos Jr.
Sa gitna ito ng mga panawagan na mag-resign na sa puwesto si Pangulong Marcos, dahil sa sinasabing katiwalian sa pamahalaan, partikular na sa mga flood control projects.
Ayon kay VP Sara, tungkulin niyang gampanan ang kanyang trabaho dahil batay aniya sa Saligang Batas, ang Bise Presidente ang “first in line in succession” sa oras na magbitiw sa puwesto ang Pangulo.
Malinaw anya kay VP Duterte ang responsibilidad na kaakibat ng pagiging Pangalawang Pangulo.
Dagdag pa ng Bise Presidente, batid na niya ang kanyang tungkulin bago pa mahalal sa puwesto.
