Kinukwestiyon ng grupong Pinagkaisang Samahan ng mga Tsuper at Operation Nationwide o PISTON ang pangangalaiti sa galit ni Pangulong Rodrigo Duterte sa kanilang isinagawang dalawang araw na tigil-pasada sa buong bansa.
Ayon sa Facebook post ng PISTON, nagagalit umano ang Pangulo dahil naging matagumpay ang kanilang strike na siya naman din umano ang nagbigay ng permit at kahit pa raw ay abutin ng dalawang buwan ang kanilang tigil pasada ay papayagan sila.
Ngunit aniya sa ikalawang araw ay tila nag iba ang timpla ng Pangulo at sapilitang pinasusunod na sila para sa modernisasyon ng kanilang pampasaherong jeep.
Matatandaang binalaan na sila ng Pangulo na guguyurin niya ang makita niyang lumang jeep sa January 1, 2018.
—-