Patuloy na tinutugis ng mga otoridad ang isa pang suspek sa panloloob sa bahay ni Senador Jinggoy Estrada sa Corinthian Hills sa Quezon City mag-aalas-3:00 kaninang madaling araw.
Nabatid na kumain, nanigarilyo at dumumi pa ang mga suspek sa balcony ng bahay at nakatangay umano ng mga alahas.
Sinasabing dating trabahador ng senador ang mga suspek kaya’t kabisado nila ang pasikot-sikot ng loob ng bahay.
Nahuli ang isang suspek na ginagamot sa Quirino Memorial Medical Center matapos bugbugin ng mga security guard nang matiyempuhang papatakas.
By Judith Larino
