Isinapubliko na ng Malakanyang ang General Order Number 1 ni Pangulong Rodrigo Duterte hinggil implementasyon ng Proclamation 216 o ang Martial Law sa Mindanao.
Alinsunod sa utos sa militar na ipatupad ng husto ang batas militar sang-ayon sa konstitusyon, hinimok ang Commission on Human Rights na gawin ang kanilang mandato para matiyak na walang karapatang pantao ang malalabag sa Mindanao habang ipinaiiral ang Martial Law.
Kinilala din sa General Order Number 1 ang gampanin ng media para maiparating sa publiko ang napapanahong balita na wasto at tamang impormasyon.
Pero, kinakailangang tiyakin na hindi malalagay sa kompromiso ang seguridad ng mga tropa ng pamahalaan at huwag idetalye ang galaw ng mga ito para hindi maunahan ng mga kalaban.
By: Meann Tanbio / Aileen Taliping
