Nagtipon-tipon ang mga pamilya ng mga desaparecidos at mga biktima ng hinihinalang extrajudicial killings o EJK bilang paggunita sa Araw ng mga Kaluluwa ngayong araw.
Ayon sa Task Force Detainees of the Philippines o TFDP ang aktibidad ay sisimulan sa isang misa na panununuan ni Fr. Flaviano Villanueva at inaasahang dadaluhan ng nasa 50 pamilya ng mga desaparecidos at EJK victims.
Susundan naman ito ng pagsisindi ng 1,000 kandila sa Bantayog ng mga Bayani sa Quezon City at prusisyon hanggang sa tanggapan ng Commission on Human Rights o CHR.
Binigyang diin pa ng TFDP, habang ang ibang mga Pilipino ay magiliw na ginugunita ang buhay ng kanilang mga yumaong mahal sa buhay, ang mga pamilya namang ng desaparecidos ay walang nakukuhang closure o puntod ng mga kaanak na dinadalaw.
Kasama rin sa nasabing aktibidad ang ilang religious at human rights groups at activist.
—-