Muling hiniling ng House Committee on Good Government and Public Accountability sa Philippine Statistics Authority na i-verify ang Civil Registry record ng halos dalawang libong pangalan na sinasabing tumanggap din ng confidential funds ng Office of the Vice President.
Ang naturang mga pangalan ay ginamit sa acknowledgement receipts na isinumite ng tanggapan ni Vice President Sara Duterte.
Una nang hiniling ni Manila 3rd District Rep. Joel Chua, Chairman ng Komite, sa psa na suriin ang mahigit animnaraang pangalan na nasa acknowledgement receipts ng OVP.
Dito natuklasan na mahigit 400 sa mga ito ang walang birth record sa PSA. - Sa ulat ni Geli Mendez (Patrol 30)
