Marami pa ang dapat mapangalanan sa isyu ng mga ma-anomalyang flood control projects.
Ito, ayon sa political analyst na si Professor Dennis Coronacion, ay kasunod ng pagpapangalan sa ilan sa mga kasapi ng Independent Commission for Infrastructure.
Sa panayam ng DWIZ, nanawagan si Prof. Coronacion sa binuong komisyon na isa-publiko ang kanilang pagdinig tulad ng ginagawa ng dalawang kapulungan ng Kongreso.
Samantala, umaasa si Prof. Coronacion na may mapapala sa imbestigasyon ng mga flood control projects, kabilang na ang pagsasampa ng kaso sa korte laban sa mga sangkot sa mga ma-anomalyang flood control projects.
