Posibleng umabot sa record-high ang global temperatures sa susunod na limang taon.
Ayon sa United Nations weather agency at UK Met Office, maaaring lumampas sa 1.5 degrees Celsius ang global temperature sa pagitan ng 2026 hanggang 2030, na mas mataas kumpara sa antas bago ang industrial period (1850-1900).
Babala ng mga eksperto, patuloy ang pag-init ng mundo at maaari itong magdulot ng mas matitinding heatwave, pag-ulan, at iba pang extreme weather events.
Mas mabilis ding umiinit ang Arctic region kumpara sa ibang bahagi ng mundo, dahilan upang mas mabilis matunaw ang sea ice sa ilang lugar.
Inaasahan din ang posibleng pagbuo ng malakas na El Niño ngayong taon na maaaring magpataas pa ng temperatura sa buong mundo.
