Nasa mahigit 2,000 buto na ang narekober ng Philippine National Police Forensic Group mula sa Taal Lake kaugnay ng imbestigasyon sa mga nawawalang sabungero.
Ayon sa PNP Forensic Group, patuloy ang pagsusuri sa DNA ng mga buto upang maitugma ito sa DNA ng mga nawawalang indibidwal.
Gayunman, hindi pa makumpirma ng PNP kung may natukoy nang pagkakakilanlan dahil mahirap umanong kumuha at magproseso ng DNA mula sa mga buto.
Nauna nang sinabi ni whistleblower Julie Patidongan, dating aide umano ng gambling operator na si Atong Ang, na dinukot at pinatay ang mga biktima bago itinapon sa Taal Lake.
