Emosyonal na itinanggi ni dating Quezon City Police District Director Chief Superintendent Edgardo Tinio ang pagkakadawit sa illegal drugs trade.
Mangiyak-ngiyak na inihayag ni Tinio na kung mahal ni Pangulong Rodrigo Duterte ang bayan, mahal niya rin ang bayan at handang lumaban sa anumang gyera tulad ng laban sa droga.
Dahil sa pagkakasapubliko ng kanyang pangalan kabilang ang 4na iba pang heneral, nasira umano ang pinagkakaingat-ingatan niyang pangalan.
Aminado si Tinio na nawalan ito ng ganang gampanan ang tungkulin bilang pulis.
Ngunit bago ito tuluyang umalis sa serbisyo, sinabi ni tinio na lilinisin muna niya ang kanyang pangalan kaya handa itong sumailalim sa imbestigasyon at lifestyle check.
Gayunpaman, hinamon ni Tinio ang sinumang nagbigay ng impormasyon sa Pangulo na patunayan ang alegasyong protektor siya ng illegal drugs trade sa bansa.
By: Avee Devierte
