Tinatayang higit kumulang 10,000 pasahero ang lumalapag ng Pilipinas kada araw .
Kasunod ito ng higit isang buwang pagluluwag sa travel restrictions ng pamahalaan.
Ayon kay Bureau of Immigration (BI) spokesperson Dana Sandoval, nasa 8,000 pasahero na agad ang kanilang naitala na dumarating sa bansa noong unang linggo ng pagpapatupad at 9,000 pasahero na sa mga susunod na linggo.
Aniya, inaasahan na nila ang ganitong bilang at posible pa itong tumaas hanggang 12,000 sa mga susunod na araw bunsod na rin ng panahon ng tag-init. —sa panulat ni Abie Aliño-Angeles
