Inihayag ni Finance secretary Benjamin Diokno na nananatiling maganda ang kaniyang relasyon kay Pangulong Ferdinand Marcos Jr. kasunod ng mga ulat na nakatakda siyang palitan sa kaniyang pwesto.
Ayon kay Diokno, hindi niya alam kung saan nanggagaling ang mga ulat na papalitan umano siya ni Albay Representative Joey Salceda.
Ginawa ng Kalihim ang pahayag matapos ang mga nasabing ulat kung saan pinabulaanan din ito ni Cong. Salceda.