Kabuuang 1,531 drug suspek na itinuturing na high-value target ang naaresto ng Philippine National Police (PNP), sa ika-100 araw ni Pangulong Ferdinand ‘Bongbong’ Marcos Jr. sa puwesto.
Ayon kay PNP chief, general Rodolfo Azurin Jr., nagmula ang bilang sa 13,391 drug suspect na naaresto sa anti-drug operations mula January 1 hanggang October 8.
Katuwang ng PNP sa operasyon ang Philippine Drug Enforcement Agency na nakapagsagawa ng 13,321 anti-illegal drug operations sa buong bansa.
Ang Police Regional Office Central Visayas ang nanguna sa pinakamaraming naarestong drug suspek, sinundan ng PRO-Central Luzon, PRO-Calabarzon, PRO Davao region at National Capital Region Police Office.