Tumungtong na sa 1.55 nitong Lunes ang reproduction rate ng COVID-19 sa bansa.
Ayon kay OCTA research fellow, Dr. Guido David, ang pagtaas ng reproduction rate sa 1.55 mula sa 1.50 ay indikasyon na bumilis pa ang hawaan sa buong bansa.
Kung ikukumpara ang surge ng COVID-19 noong Marso 2021, sinabi ni David na ang kasalukuyang surge ay bahagya pa lamang nagsisimula.
Isa rin aniya itong posibleng senyales na nagkaroon ng replacement o napapalitan ang virus ng mas bagong variant.
Batay sa pag-aaral ng US Centers for Disease Control and Prevention, ang delta variant na unang nadiskubre sa India ay madaling kumakalat tulad ng chickenpox o bulutong-tubig at mas nakahahawa sa Sars, Mers, Ebola, sipon, trangkaso at tigdas.—sa panulat ni Drew Nacino