Nasa maayos na kondisyon at ligtas ang lahat ng face shields na ginagamit ng healthcare workers.
Tiniyak ito ni Health Undersecretary Maria Rosario Vergeire matapos mabunyag sa Senado ang sub standard face shield na isinupply ng pharmally pharmaceutical corporation sa doh.
Sinabi ni Vergeire na ini-inspeksyon muna ng DOH ang lahat ng medical equipment na ipinamamahagi sa health workers.
Iginiit ni Vergeire na hindi tumatanggap ang DOH ng sirang faceshields na medical grade na mayruong shelf life dahil ang ilang components nito ay nasisira habang tumatagal.
Gayunman ..inihayag ni Vergeire na hihintayin nila ang resulta ng imbestigasyon ng Senado upang malaman kung nagkaruon ba ng kakulangan o problema kaugnay sa biniling face shield ng DOH sa Pharmally.
