Nakatakda nang umupo bilang acting Vice Mayor ng Davao City si Councilor Bernard Al-ag.
Ito ay matapos kumpirmahin ni Presidential Spokesperson Harry Roque na tinanggap na ni Pangulong Rodrigo Duterte ang pagbibitiw sa puwesto ng anak na si Paolo ‘Pulong’ Duterte.
Matatandaang inanunsyo ng Davao City Vice Mayor ang kanyang resignation noong Pasko, Disyembre 25, 2017.
Sa kanyang pahayag, sinabi ng batang Duterte na nagbibitiw siya sa ngalan ng ‘delicadeza’.
Kabilang aniya dito ang pagkakadawit niya sa paglusot ng higit P6-B shabu shipment mula sa China.
