Tinuligsa ni Pwersa ng Pilipinong Pandagat o PPP Party-list Rep. Harold Duterte ang umano’y pagbaba ng voting threshold para sa paghatol sa impeachment trial laban kay Vice President Sara Duterte.
Ayon kay Duterte, 13 sa 24 na senador ang piniling ibaba ang kinakailangang boto para sa conviction at kinalimutan ang malinaw na nakasaad sa Konstitusyon na kailangan ng two-thirds of votes sa lahat ng senador para sa conviction.
Para sa kongresista, ang pagbabago sa threshold ay maituturing na “political convenience,” lalo na sa kabila ng mga kaso at isyung kinakaharap ng ilang senador.
Sinabi ni Cong. Duterte na hindi ito nagkataon at malinaw na “political assassination” ang hakbang ng mga senator-judges na gawing two-thirds ng mga lumahok sa paglilitis ang threshold vote.
Umaasa si Duterte na mananaig ang Konstitusyon laban sa pulitika. | Sa panulat ni Geli Mendez
