“IT NEVER GETS EASIER”
Aminado si House Prosecutor Chel Diokno na hindi kailanman naging madali ang kanilang trabaho sa impeachment trial para pagtibayin ang mga alegasyong nakapaloob sa Articles of Impeachment laban kay Vice President Sara Duterte.
Binigyang-diin ni Diokno na ang pinakamalaking hamon sa prosecution ang magtayo ng “bahay ng ebidensya” o pagtibayin ang bawat presentasyon sa impeachment court.
Para kay Diokno, mas madali ang trabaho ng defense team dahil ang tanging gampanin lamang nila ay sirain ang mga ebidensya at testimonya ng mga testigong inihaharap ng prosecution sa paglilitis.
Kaugnay nito, tiniyak ni Diokno na patuloy na ginagampanan ng prosecution ang kanilang tungkulin at nananatiling nakatutok ang kanilang panig sa paglalatag ng maayos, matibay at mabibigat na ebidensya sa impeachment trial.
Tiwala si Diokno sa naging desisyon ng Senate Impeachment Court na ang mga senator-judge lang na dumadalo at nakikilahok sa paglilitis ang kabilang sa voting threshold para sa conviction ni VP Sara. | via Geli Mendez (DWIZ Patrol)
