Umapela si San Jose Del Monte, Bulacan Rep. Florida “Rida” Robes kay Pangulong Rodrigo Duterte na sertipikahang urgent ang pre-audit bill na nakabinbin sa kamara.
Layunin ng house bill 7124 na mapigilan ang mga kontrobersya kaugnay sa mga natutuklasan ng Commission On Audit sa iba’t ibang sangay ng pamahalaan.
Si Robes ang Chairperson ng House Committee on People’s Participation Chairperson na may akda ng naturang panukala.
Ayon kay Robes, magiging mandato sa ilalim ng pre-audit system na ang lahat ng transaksyon at kontrata ay susuriin muna bago ilabas ang pampublikong pondo para sa implementasyon.
Sa ganito anyang paraan ay matitiyak na magagamit ang government funds kung saan talaga ito inilaan sa loob ng itinakdang panahon.—sa panulat ni Drew Nacino
