Handa na ang House Prosecution Panel sa pagsisimula ng oral arguments ngayong Day 29 ng impeachment trial ni Vice President Sara Duterte.
Kinumpirma ito ni House Lead Prosecutor Gerville Luistro na pangungunahan ni Prosecutor Leila de Lima ang oral arguments sa Impeachment Court kaugnay sa usapin ng voting threshold o kinakailangang bilang ng boto ng mga senator-judge para sa conviction.
Ang oral arguments ay ikakasa batay na rin sa naging apela ni Senator-Judge Erwin Tulfo matapos tanungin ang Impeachment Court kung mananatili pa rin sa 16 ang threshold vote gayong 4 out of 24 senators ang hindi nakikilahok sa paglilitis.
Kabilang sa mga hindi nakadadalo sa impeachment trial sina Senators Rodante Marcoleta at Jinggoy Estrada na nakakulong dahil sa kasong plunder; Senator Ronald “Bato” dela Rosa na kasalukuyang nagtatago dahil sa arrest warrant ng ICC; at si Sen. Loren Legarda naman ay nananatiling naka-medical leave.
Una nang hiningi ng Senate Impeachment Court ang posisyon, payo, pananaw, at karanasan ng mga amici curiae o friends of the court kaugnay sa tamang bilang ng boto at para sa mabilis na pagtukoy kung convicted o acquitted si VP Sara. | via Geli Mendez (DWIZ Patrol)
