Isa nang ganap na tropical depression ang low pressure area na binabantayan ng PAGASA sa silangan ng Guiuan, Eastern Samar.
Ayon sa PAGASA, papangalanan itong Bagyong Falcon.
Huling namataan ang bagyo sa layong 990 kilometro silangan ng Virac, Catanduanes.
May taglay itong lakas ng hanging aabot sa 60 kilometro kada oras.
Tinatahak nito ang direksyong hilaga, hilagang-kanluran sa bilis na 20 kilometro kada oras.
Inaasahang makakaranas ng maulap na kalangitan at kalat-kalat na pag-ulan, pagkulog at pagkidlat sa susunod na 24 oras ang buong Bicol Region at Eastern Visayas.