Nakahanda si Davao City Mayor Rodrigo Duterte na i-alok ang kanyang sarili bilang hostage kapalit ng kalayaan ng 3 dayuhan at 1 Pinay na dinukot ng mga armadong lalaki sa Samal Island.
Ayon kay Duterte, gusto niyang kausapin ang mga dumukot sa mga biktima at magbibigay siya ng alok o alternatibo para sa mga ito.
Ngunit, nilinaw naman ni Duterte na ipinauubaya na lang muna niya sa pulisya at lokal na pamahalaan ang pagresolba sa naturang problema dahil ang Samal Island ay saklaw na ng Davao del Norte.
Si Duterte ay ang kasalukuyang Chairperson ng Regional Peace and Order Council sa rehiyon ng Davao.
By Jelbert Perdez
