Pormal nang idineklara ang state of calamity sa barangay New Iloilo sa bayan ng Tantangan sa South Cotabato.
Kaugnay ito sa diarrhea outbreak sa tatlong purok sa naturang barangay.
Itinuturing nang alarming ng mga otoridad ang mga kaso ng diarrhea sa lugar matapos pumalo sa mahigit 40 ang bilang ng biktima.
Una nang dumating sa barangay ang tubig na inorder ng local government kung saan maaaring kumuha muna nang maiinom ang mga residente.
Bukod dito, tuluy-tuloy din ang house to house inspection para alamin ang pinagkukunan ng tubig ng mga residente.
By Judith Larino
