Nanindigan ang Department of Justice na kanilang ipapatupad ang rule of law at bibigyan ng due process si Vice President Sara Duterte.
Kasunod ito ng paghahain ng reklamo ng National Bureau of Investigation sa ahensya hinggil sa assassination threat ni VP Duterte laban kina Pangulong Ferdinand Marcos Jr.; Speaker Martin Romualdez at First Lady Liza Marcos sakaling may mangyaring hindi maganda sa kanya.
Ayon sa DOJ, sasailalim sa pagsusuri at preliminary investigation ang mga isinampang reklamo laban sa pangalawang pangulo.
Sinabi pa ni Justice Assistant Secretary Jose Dominic Clavano IV na titiyakin nila na nasusunod ang due process sa legal proceedings at mananatiling committed ang ahensya sa pagpapatupad ng rule of law.
