Nilinaw ng Kamara na hindi nila pinatatawag si Meta CEO Mark Zuckerberg para humarap sa plenary deliberations ng Kapulungan.
Kasunod ito ng statement ng Department of Information and Communications Technology o DICT sa social media na pinahahharap si Zuckerberg sa Kamara kaugnay ng mga isyu ng social media scam at mapanganib na content online.
Sa deliberasyon para sa 2027 budget ng DICT, humingi ng paglilinaw si House Majority Leader Sandro Marcos dahil na rin sa nagkalat na ulat ng pagpapatatawag umano ng Kamara kay Zuckerberg.
Bilang tugon, nilinaw ni House Appropriations Vice Chairperson at DICT budget sponsor Brian Poe na hindi ipinatawag ng Kamara ang sinomang Meta official o si Zuckerberg at wala ring House resolution para dito.
Humingi rin ng paumanhin si DICT Secretary Henry Aguda sa kalituhang idinulot ng post, na agad namang binura sa kanilang official page.
Agad namang nagpasalamat si Marcos sa paglilinaw. | Sa panulat ni Geli Mendez
