Naghain ng petisyon sa Korte Suprema ang isang abogado at hiniling na desisyunan kung pagbabatayan ba ang 2/3 votes para sa conviction sa impeachment kay Vice President Sara Duterte.
Sa inihaing Petition for Certiorari and Prohibition ni Atty. Ernesto Francisco Jr., hiniling niya na maglabas ng Status Quo Ante Order ang Supreme Court dahil ang naging hakbang ng Senado ay labag umano sa Konstitusyon ng Pilipinas.
Iginiit ni Atty. Francisco na walang karapatan ang Senado na labagin o baguhin ang Konstitusyon, kung saan ang Korte Suprema lamang ang maaaring magdesisyon hinggil sa nasabing usapin.
Paliwanag pa ng abogado, dapat manatili ang nasa batas na 16 o 2/3 ng 24 na bilang ng senador ang dapat na bumoto sa anumang impeachment trial. | Sa panulat ni Jun Samson
