Nagpasya na ang Metro Mayors na palawigin ang curfew hour sa gitna ng local transmission ng mas nakahahawang COVID-19 Delta variant.
Ito ang inanunsyo ni Metro Manila Development Authority (MMDA) Chairman Benhur Abalos matapos aprubahan ni Pangulong Rodrigo Duterte ang pagbabalik ng Metro Manila sa General Community Quarantine with Heightened Restrictions.
Ayon kay Abalos, nagkasundo silang mga alkalde na ipatupad ang curfew simula alas-10 ng gabi hanggang alas-4 ng madaling araw sa National Capital Region (NCR) hanggang Hulyo 31.
Mula ito sa kasalukuyang alas-12 ng hatinggabi hanggang alas-4 ng madaling araw.
Sa kasalukuyan ay mayroon ng 47 kaso ng Delta variant sa bansa, kabilang ang walong aktibo at tatlong namatay.—ulat mula kay Drew Nacino