Nakatakdang isagawa ng Commission on Elections ang pilot test ng mall voting para sa 2023 Barangay at Sangguniang Kabataan Elections sa 15 malls sa buong bansa.
Ang mga napiling mall ay nasa Metro Manila, Region IV-A, Region V at Region VII, sabi ng poll body.
Magugunitang noong Enero, sinabi ng COMELEC na magsasagawa ito ng pilot run ng mall voting sa 5 Metro Manila Malls— SM Manila, Robinsons Manila, Robinsons Magnolia at 2 iba pa. Binanggit nito ang mga pakinabang ng paggamit ng mga mall bilang voting sites sa halip na mga silid-aralan, kabilang ang seguridad, pag-iwas sa pamamahagi ng mga sample na balota, at pag-iingat ng mga kagamitan sa paaralan.
Nabatid na ang BSKE ay paulit-ulit na ipinagpaliban mula noong 2016.
Samantala, noong Oktubre, nilagdaan ni Pangulong Ferdinand “Bongbong” Marcos Jr. Bilang batas ang panukalang nagpapaantala sa Disyembre 2022 BSKE sa huling lunes ng Oktubre 2023.