RONDA PROBINSYA

Kalaboso ang isang aktibong pulis matapos mahuli sa ikinasang buy-bust operation sa Barangay Del Carmen, Iligan City.

Kinilala ang suspek na si Patrolman Saidamin Bonsalagan Bagul (alyas Borge), naka-assign sa 1st Provincial Mobile Force Company ng Lanao del Norte Police Provincial Office (PPO).

Ang operasyon laban kay Bagul ay pinangunahan ng PNP-Integrity Monitoring and Enforcement Group (PNP-IMEG), katuwang ang Lanao Del Norte PPO, Philippine Drug Enforcement Agency, Provincial Intelligence Unit, Special Intelligence Unit, Regional Mobile Force Battalion, militar, at National Bureau of Investigation.

Nasabat naman mula kay Bagul ang apat na sachets ng hinihinalang shabu, buy-bust money, cellphone, rifle na may limang magazines, isang pistol na may kasamang magazine, at isang kotse.

Inihahanda na ang mga kaukulang kasong isasampa laban sa naturang pulis.

Dinampot ng PNP special action force ang siyam na miyembro umano ng ISIS inspired Dawlah Islamiya Maute Group sa kasagsagan ng engkuwentro sa Batangay Paigoay, Pagayawan sa Lanao Del Sur.

Ayon sa PNP SAF kay PNP Chief Guillermo Eleazar isisilbi lamang sana nila ang arrest warrant sa 43 anyos na lider ng DI – MG na si Faharudin Satar alias Abu Zacaria nang paputukan sila ng mga terorista dahilan kaya’t gumanti sila at pinaulanan din ng bala ang mga ito.

Kinilala ang mga naaresto na sina Camaroden Tindug, Sabdullah Sarip, Oetr Macaungun, Asnare Alisood Dima, Sowaib Abdullah, Saaduden Adapun, Zaenal Abdulatip at Aleem Salih Pitiilan.

Nakatakas naman sa nasabing operasyon ang dalawa pang teroristang sina Abu Dimam at Abu Khalifa.

Nakumpiska sa mga suspek ang isang carbine, dalawang M25 rifles, tatlong magazine, dalawang caliber 45 pistol, dalawang base radios, labing tatlong cellphone, isang laptop at mga subersibong dokumento.

Patay ang isang umano’y lider ng NPA matapos maka-engkuwentro ang mga otoridad sa Pavia, Iloilo.

Sa report ng third infantry division ng Philippine Army kinilala ang nasawi na si Reynaldo Bocala, pinuno ng regional finance bureau ng NPA Regional Committee – Panay.

Si Bocala ay napatay noong Biyernes ng gabi matapos manlaban sa mga otoridad na nagsisilbing ng arrest warrant sa kanya.

Kasama ring nasawi ni Bocala ang isang Welly Epago Arguelles at kapwa nakuha sa mga ito ang dalawang pistola, isang laptop at limang cellphone.

1990 nang kasuhan sa korte sa Antique si Bocala dahil sa murder at inireklamo ng robbery in band with frustrated murder ang damage to property bukod pa sa kasong robbery with serious physical injuries noong 2005 kung kailan din ito inakusahan ng destructive arson.

Iniimbestigahan na ng Commission on Human Rights (CHR) ang ambush sa Magsaysay, Occidental Mindoro na ikinasawi ng tatlong pulis at ikinasugat ng pitong iba pa.

Kasunod na rin ito nang pagkundena ng CHR sa nasabing insidente.

Ang mga biktima ay mula sa first occidental Mindoro police mobile force company at kasama sa provincial task force to end local communist armed conflict serbisyo caravan nang atakihin sila ng mga miyembro ng New People’s Army.

Ang mga nasabing pulis ay bahagi ng security convoy ni Governor Eduardo Gadiano na dumadaan sa isang bundok sa bayan ng San Jose nang atakihin ng mga rebelde.

Siyam na hinihinalang miyembro ng Daulah Islamiyah-Maute group ang naaresto ng pinagsanib-pwersa ng tropa ng pamahalaan sa Tubaran, Lanao Del Sur.

Ayon sa Western Mindanao Command (Westmincom) Commander Lieutenant General Corleto Vinluan Jr., magsisilbi lamang sana ng warrant of arrest ang kanilang mga tauhan laban sa Maute group na nahaharap sa mga kasong murder at attempted murder nang bigla na lamang daw silang paulanan ng bala sa may bahagi ng barangay Paigoay.

Sinabi naman ni 103^rd infantry Commander Brigadier General Jose Maria Cuerpo II, na nakatakas umano ang  kanilang mga target na salarin.

Ngunit sa kabila nito, siyam na katao parin ang kanilang naaresto na kinilalang sina camaroden Tindug, Sabdullah Sarip, Oter Macaungun, Asnare Alisood, Alisood Dima, Sowaib Abdullah, Saaduden Adapun, Zaenal Abdulatip, at Aleem Salih Pitiilan.

Nasamsam din ng mga otoridad sa operasyon na ito ang dalawang M16 rifles, tatlong M16 magazines na may live ammunition, isang carbine,dalawang cal. 45 pistols, at isang improvised explosive device.

Agad namang itinurn-over sa 5^th infantry brigade ang mga naarestong suspek.

Timbog ang isang retiradong pulis dahil sa umano’y pangongotong sa mga bumibiyaheng truck kasunod ng ikinasang entrapment operation sa Laguna.

Kinilala ang suspek na si Mariano Garcia, dating nakatalaga sa Police Regional Office (PRO) 4A.

Ayon kay PNP Integrity Monitoring and Enforcement Group o IMEG director Brig. Gen. Thomas Frias, huli sa akto si Garcia habang tinatanggap ang pera ng complainant sa isang gasoline station sa Barangay Calo sa bayan ng Bay.

Sinasabing kinokotongan ni Garcia ang mga cargo trucks na bumibiyahe mula Batangas at Quezon province patungong Laguna.

Nanghihingi umano si Garcia ng P40,000 kada linggo sa bawat operator upang hindi maabala ang mga ito sa mga daraanang checkpoint sa nasabing lalawigan.