Nilagdaan ni Pangulong Rodrigo Duterte ang bagong batas na maghahati sa Maguindanao bilang dalawang probinsya.
Sa ilalim ng Republic Act 11550, mahahati ang Maguindanao sa Maguindanao Del Norte at Maguindanao Del Sur.
Binubuo ng Maguindanao Del Norte ang Barira, Buldon, Datu Blah Sinsuat, Datu Odin Sinsuat, Kabuntulan, Matanong, Northern Kabuntalan, Parang, North Upi, Sultan Kudarat, Sultan Mastura at Talitay.
Sakop naman ng Maguindanao Del Sur ang Ampatuan, Buluan, Datu Abdulla Sangki, Datu Anggal Midtimbang, Datu Hoffer Ampatuan, Datu Montawal, Datu Paglas, Datu Piang, Datu Salibo, Datu Saudi Ampatuan, Datu Unsay, Gen. Salipada K. Pendatun, Guindulungan, Mamasapano, Mangudadatu, Pagalungan, Paglat, Pandag, Rajah Buayan, Sharif Aguak, Sharif Saydona Mustafa, Sultan sa Barongis, Talayan, at South Upi.
Ang Dati Odin Sinsuat naman ang magiging capital ng Maguindanao Del Norte habang ang Buluan ang capital ng Maguindanao Del Sur.
Gayunman, nabatid na kailangan pang dumaan sa plebisito ang bagong batas para sa pag-apruba ng nakararaming residente.
