RONDA PROBINSYA

21 kaso ng COVID-19 variants sa CARAGA naitala ng DOH

Naitala ng Department of Health (DOH) ang 21 kaso ng COVID-19 variants sa CARAGA region.

Sa isang pahayag, sinabi ng DOH-center for health development sa CARAGA na ang naturang datos ay batay sa pinakahuling tala ng University of the Philippines-Philippine Genome Center (UP-PGC).

Mababatid na sa mga sample na nasuri, 13 sa mga ito ang natukoy bilang South African variant; 7 dito ay UK variant; at isa ang variant na unang natukoy sa Pilipinas.

Sa kabuuang bilang, 18 sa mga ito ang asymptomatic habang ang isa naman ay nagpapagaling sa kanilang bahay.

Kasunod nito, nakikipag-ugnayan na ang DOH CHD-CARAGA sa mga local health authorities para sa pagpapatupad ng mahigpit na health protocols.

June 5, 2021 0 comment

RONDA PROBINSYA

Dating CamSur Rep. Andaya binunyag na may planong tumakbo si Robredo bilang gobernador

written by DWIZ 882

Planong tumakbo ni Vice President Leni Robredo bilang gobernador sa kanilang probinsya sa 2022 national and local elections.

Ito ang ibinunyag ni dating Camarines Sur Representative Rolando Andaya Jr. sa gitna ng usap-usapan na pagtakbo umano ni Robredo bilang Pangulo.

Ayon kay Andaya, mismong si Robredo ang kaniyang nakausap at sa katunayan ay pinalitan na nito ang kaniyang bayan na Magarao mula sa Naga City.

Sinabi ni Andaya na nais niya sanang kumandidato bilang Pangulo si Robredo ngunit kaniya umanong nakikita na ang puso nito ay talagang pagseserbisyo sa kanilang probinsya.

June 4, 2021 0 comment

NATIONAL NEWS RONDA PROBINSYA

Ilang pantalan sa Luzon balik operasyon na — PPA

written by DWIZ 882

Balik operasyon na ang ilang pantalan sa Luzon, partikular na sa Batangas at Matnog sa Sorsogon, maging sa Mimaropa para sa mga cargo at pasaherong nais na makasakay ng barko para makatawid ng dagat.

Ito’y matapos maantala ang mga byahe dahil sa sama ng panahon hatid ng bagyong Dante.

Ayon kay Joselito Sinocruz, port manager ng port management office ng Batangas Port, hindi na hihintayin pa ang oras na dapat na biyahe ng mga barko para aniya maubos na ang mga naantalang biyahe ng rolling cargoes.

Sinabi naman ni Achilles Galindes, acting divison manager ng Matnog Port, mula kahapon hanggang kaninang umaga ay nakapagtala na ng 25 biyahe mula matnog patungong Northern Samar.

Samantala, normal na rin ang operasyon ng Philippine Ports Authority sa bayan ng Mogpog Marinduque.

June 3, 2021 0 comment

NATIONAL NEWS RONDA PROBINSYA

Posibleng lahar flow ibinabala ng Phivolcs dahil sa bagyong Dante

written by DWIZ 882

Nagbabala ang Phivolcs kaugnay sa posibleng lahar flow sa mga lugar na malapit sa Taal Volcano at Mt. Pinatubo dahil sa pananalasa ng bagyong Dante.

Ayon kay Phivolcs OIC Renato Solidum kailangan paghandaan agad ito dahil sakaling maraming ulan na dala ang bagyo , posible ang magkaroon ng lahar at umapaw ang ilog.

Ani Solidum, mabilis ang pag-anod nito lalo’t kung tuloy-tuloy ang pagbuhos ng ulan.

June 3, 2021 0 comment

HEADLINES NATIONAL NEWS RONDA PROBINSYA

‘Dante’ patuloy na kumikilos pa-hilaga, hilagang-kanluran sa bahagi ng Pangasinan

written by DWIZ 882

Patuloy na kumikilos ang Tropical Storm Dante pa-hilaga, hilagang-kanluran, ng karagatang sakop ng Pangasinan.

Ayon sa 8AM weather bulletin ng PAGASA, huling namataan ang sentro ng Bagyong Dante kaninang alas-7 ng umaga sa layong 145 kilometro, kanluran, hilagang-kanluran ng Dagupan City, Pangasinan.

Taglay nito ang lakas ng hanging aabot sa 65 kilometers per hour (km/h) malapit sa gitna, at pagbugsong aabot naman sa 90 km/h.

Kumikilos ito pa-hilagan, hilagang-kanluran sa bilis na 35 km/h.

Dahil dito, nakataas pa rin ang Tropical Cyclone Wind Signal No. 2 sa mga lugar ng Dasol, Mabini, Burgos, Alaminos City, Agno, Bani, Bolinao at Anda sa Pangasinan.

Nakataas naman ang Tropical Cyclone Wind Signal No. 1 sa mga sumusunod na lugar:

central portion ng Pangasinan (Bugallon, Lingayen, Binmaley, Dagupan City, Mangaldan, Calasiao, San Carlos City, Aguilar, Mangatarem, Urbiztondo, Labrador, Infanta, San Fabian, Sual)
northwestern portion ng Tarlac (San Clemente),
northern portion ng Zambales (Santa Cruz, Masinloc, Palauig, Candelaria, Iba)

Inaasahan namang hihina ang Tropical Storm Dante at magiging isa na lamang topical depression sa susunod na 12-oras.

June 3, 2021 0 comment

HEADLINES NATIONAL NEWS RONDA PROBINSYA

Baguio City bukas na para sa mga turista

written by Judith Estrada-Larino

Inaprubahan na ng gobyerno ang kahilingan ng Baguio City na payagan na ang mga turista sa lungsod.

Gayunman binigyang diin ng IATF na kailangan pa ring matiyak na masusunod ang health protocols sa tinaguriang summer capital gayundin ang point to point trips policy at maaari lamang tumigil kung mayruong emergency o kailangang kumain.

Bukod dito kailangan ding makakuha ng negative RT PCR test bago umakyat sa Baguio City.

Ayon sa Baguio authorities ang mga turistang interesadong mag bakasyon sa lungsod ay kailangan munang magpa-schedule ng kanilang pagbisita sa https.//visita.baguio.gov.ph/.

Batay pa sa entry protocols ng lungsod ang leisure travelers ay kailangang makapag-presenta ng valid government ID at anuman sa negative RT-PCR, antigen at PRC saliva test result o sumalang muna sa antigen test sa City Central Triage.

June 2, 2021 0 comment

HEADLINES RONDA PROBINSYA

13 colleges, universities sa SOCCSKSARGEN may go signal na para sa limitadong face-to-face classes

written by Judith Estrada-Larino

Mahigpit na panuntunan sa pagpapatupad ng Free Tuition Fee Act nilatag ng CHED

Binigyan na ng go signal ng Commission ong Higher Education (CHED) Region 12 ang 13 kolehiyo at unibersidad na mayroong health-related programs sa SOCCSKSARGEN para magsagawa ng limitadong face-to-face classes.

Kasunod na rin ito, ayon kay CHED Region 12 Director Nelia Alibin, ng serye ng evaluation sa kakayahan ng mga naturang kolehiyo at unibersidad na makapagsagawa ng limitadong face-to-face classes sa gitna nang umiiral na pandemya.

Kabilang sa mga pinayagang magsagawa ng limited face-to-face classes ang Notre Dame of Midsayap College, Cotabato Medical School Foundation Incorporated, North Valley College Foundation, University of Southern Mindanao-Kabacan Campus at Brokenshire College of Soccsksargen.

May 31, 2021 0 comment

RONDA PROBINSYA

Isang barangay chairman arestado matapos mahulihan ng hindi rehistradong baril sa Iloilo

written by Gilbert Perdez

Sa kulungan ang bagsak ng isang barangay chairman makaraang mahulihan ng hindi lisensiyadong baril sa Barotac Nuevo, Iloilo.

Ayon sa PNP-Criminal Investigation and Detection Group-Iloilo o PNP-CIDG, bitbit ang isang search warrant mula sa korte ay pinasok nila ang tahanan ng hindi pinangalanang tserman sa Barangay Cruz.

Nasabat mula sa suspek ang isang .45 caliber pistol at mga bala.

Matapos magreklamo ng paninikip ng dibdib at hirap sa paghinga ay naka-hospital arrest ngayon ang nasabing barangay chairman at nahaharap sa kasong paglabag sa Comprehensive Law on Firearms and Ammunition.

May 30, 2021 0 comment

HEADLINES RONDA PROBINSYA

Munisipyo ng Santo Tomas sa Davao Del Norte pansamantalang isinailalim sa lockdown

written by Gilbert Perdez

Kasado na simula ngayong araw, Mayo 30, ang lockdown sa municipal hall ng bayan ng Santo Tomas sa Davao del Norte.

Ayon kay Mayor Ernesto Evangelista, ginawa ang hakbang makaraang mag-positibo sa COVID-19 ang ilang empleyado ng lokal na pamahalaan.

Dahil dito, pinalawig na ang suspensiyon ng operasyon ng mga opisina sa Santo Tomas municipal government habang work-from-home muna ang karamihan sa mga manggagawa ng munisipyo.

Bukas naman ang mga tanggapan na may kinalaman sa health services at disaster preparedness.

May 30, 2021 0 comment

RONDA PROBINSYA

“No movement Sunday” muling ipinatupad sa ilang lugar sa Mindanao

written by Gilbert Perdez

Sinimulan na ang muling pagpapatupad ng “No Movement Sunday” sa ilang lugar sa Mindanao.

Kabilang sa mga nagkasa ng bagong patakaran ay ang Cotabato City, General Santos City, at Datu Odin Sinsuat at Sultan Kudarat sa Maguindanao upang maiwasan ang pagkalat ng COVID-19.

Sa General Santos, bukod sa hindi pinapayagan ang mga sasakyang hindi essential ang lakad ay sarado rin ang mga shopping mall at supermarket habang bukas naman ang ilang mga kainan na may delivery service, fuel station, at botika.

Samantala, nanawagan naman ang pamahalaang lungsod ng Zamboanga sa inter-agency task force o IATF na palawigin pa ang implementasyon ng modified enhanced community quarantine sa kanilang lugar hanggang Hunyo 15 ngayong taon.

May 30, 2021 0 comment

Newer Posts

Older Posts