HOT STORIES OF THE WEEK

Pinangunahan ni Pangulong Rodrigo Duterte ang groundbreaking ng itatayong dalawang tulay sa Metro Manila.

Ito ay ang Estrella-Pantaleon Bridge na mag-uugnay sa Estrella Street sa lungsod ng Makati at Barangka Drive sa lungsod ng Mandaluyong at ang Binondo-Intramuros Bridge.

Sa kanyang talumpati, pinasalamatan ng pangulo ang China para sa pag-ako ng naturang bansa na pondohan ang naturang proyekto.

“As a friend, China once again proved that the intent of joining us in achieving progress by addressing traffic congestion in Metro Manila. The construction of these bridges will not just connect the very strategic areas of but those who will tribute to our quest to spur vibrant and economic to efficient and reliable road transportation.”

Nilinaw ng Pangulo na walang anumang kapalit na hinihingi ang China sa mga tulong na ibinibigay ng pamahalaan nito sa Pilipinas.

“Its politics position, is something which is critical to China and the stand which we disagreed as we file the arbitration case. But in the meantime that we are talking about a concerted effort of both countries to develop is going on. So you promise to deal with the problem, from the president himself to the people of Republic of China, that we will discuss this at some other time, China will allow this sufficient period to sort out things and ensure that in the end, China will be fair and the equity will be distributed.”

Samantala, inatasan naman ni Pangulong Duterte ang Department of Public Works and Highways at mga kinauukulang ahensya na tapusin ang naturang proyekto ng mas maaga sa  tatlumpung buwan.

Ang Estrella – Pantaleon Bridge ay may kabuuang haba na mahigit 500 metro habang ang  Binondo-Intramuros Bridge naman na dadaan sa Pasig River ay may habang 734 na metro.

Sa oras na matapos ang dalawang tulay, inaasahang maiibsan ang trapik sa ilang pangunahing tulay sa Maynila, Makati at Mandaluyong.

“As an important part of the Build, Build, Build, program expect you to fast out the implementation and execution these bridges as the oder of infrastructure projects already in the pipe line. Combined efforts will be able to expedite our infrastructure programs and we will improve connectivity and mobility around the country. Together, let us join hands in uplifting the lives of our people and will give us the decent and comfortable lives that our people rightly belong.”

---

Tiniyak ng Philippine National Police o PNP na hindi makakalusot ang mga responsable sa pagpatay kay Mayor Ferdinand Bote ng General Tinio Nueva Ecija.

Ayon kay Chief Superintendent Benigno Durana Jr., Spokesman ng PNP, maliban sa extrajudicial confession ng mga nahuling suspected gunmen, tumugma rin ang mga baril na nakuha sa kanila sa baril na ginamit sa pagpatay kay Mayor Bote.

Sa ngayon ay tinutugis na ng pulisya ang iba pang suspect at ang hinihinalang mastermind na si Christian Saquilabon.

Una nang nadakip ng PNP ang suspects na sina Florencio Suarez at Robert Gumatay samantalang sumuko naman ang driver nila na kinilalang si Arnold Gamboa.

“Na-established natin na itong mga dala nilang baril ay ginamit sa pagpaslang kay Mayor Bote so we have a very strong faith against the gunmen kaya wala na silang masabi kundi to confess to the crime and at the same time ituro ang nagbayad sa kanila, ‘yung mastermind sa pagpatay kay Mayor Bote.” Pahayag ni Durana

---

‘Worth P25,000′

Dalawampu’t limang libong piso (P25,000) ang di umano’y naging katapat ng buhay ni Mayor Ferdinand Bote ng General Tinio, Nueva Ecija.

Nakapaloob di umano ito sa extrajudicial confession ni Florencio Suarez, isa sa mga suspected gunman na pumatay kay Bote.

Si Suarez at isang Robert Gumatay rin ang di umano’y nagturo kay Christian Saquilabon na siyang nagbayad sa kanila para patayin si Bote.

Ayon kay Chief Superintendent Amador Corpuz, hepe ng Central Luzon PNP, ang 96 milyong pisong construction project sa Minalungao Eco-Tourism Park sa Nueva Ecija ang tinitignan nilang ugat ng pagpapatumba kay Bote.

Sinasabing pinahihirapan di umano ni Bote si Saquilabon sa pagkuha ng mga kilangang permit para sa proyekto matapos niyang talunin ang kumpanya ng alkalde sa bidding.

 (Ratsada Balita Interview)

Natukoy na ng PNP o Philippine National Police ang mastermind sa pagpatay kay General Tinio, Nueva Ecija Mayor Ferdinand Bote.

Kinilala ni PNP Chief Director General Oscar Albayalde ang umano’y utak ng krimen na si Christian Saquilabon.

Si Saquilabon ay isa sa mga kilalang contractor sa Nueva Ecija at nakakuha ng kontrata ng Tourism Convergence Park sa Minalungao, General Tinio sa ilalim ng DPWH o Department of Public Works and Highways.

Ayon kay Albayalde, natukoy ang mastermind sa pagpatay kay Bote sa pamamagitan ng  “extra judicial confession” sa una nang mga naarestong suspek na sina Florencio Suarez at Robert Gumatay.

Bukod kina Suarez at Gumatay kusang loob na sumuko sa PNP ang isa pang suspek na si Arnold Gamboa na nagsilbing drayber umano nang isagawa ang krimen.

Sa ngayon pinaghahanap ng mga pulis ang mastermind na si Saquilabon at tatlong iba pa, isa rito ay kinilalang si Junjun Pajardo nagsisilbing spotter sa krimen.

Hindi naman iniaalis ng pulisya ang posibilidad na may mas mataas o maimpluwensyang tao sa likod ng pagpatay kay Mayor Bote.

(with report from Jaymark Dagala)

Mga naarestong suspek sa pagpatay kay General Tinio Nueva Ecija Mayor Ferdinand Bote na sina Florencio Suarez at Robert Gumatay, nasa Kampo Crame na | via @jaymarkdagala pic.twitter.com/4ZQHmpqlXP

— DWIZ Newscenter (@dwiz882) July 16, 2018

Dalawa sa tatlong mga Pilipino ang tutol sa Cha-cha o Charter change.

Batay ito sa resulta ng isinagawang survey ng Pulse Asia mula Hunyo 15 hanggang 21 kung saan lumabas na 67 porsyento ng respondents ang hindi pabor na palitan ang 1987 Constitution.

Sa nasabing bilang, 37 porsyento ang ayaw sa Cha-cha ngayon at sa hinaharap habang 30 porsyento ang hindi pabor sa kasalukuyan pero bukas para dito sa hinaharap.

Nakasaad din sa nasabing survey na 55 porsyento ng mga Pilipino ang nakaaalam hinggil sa panukalang amyendahan ang konstitusyon.

Habang 74 na porsyento naman ang aminadong konti lamang ang kanilang nalalaman o halos walang ideya hinggil sa 1987 Constitution.

[Pulse Asia June 2018 Nationwide Survey on Charter Change]

—-

Posibleng malagdaan upang maging ganap na batas ang Bangsamoro Basic Law o BBL sa susunod na linggo.

Ayon kay Bicam Senate Panel Chairman Juan Miguel Zubiri, kayang maihabol pa sa gaganaping bicameral conference ang ilang isyu na maituturing na deadlock.

Partikular na aniya dito ay ang Article 17 at 18 kung saan sangkot ang isyu sa teritoryo at plebesito.

Para naman kay House Majority Leader Rodolfo Fariñas, maaari na rin aniyang maisumite ang BBL para sa konsiderasyon ng Pangulo ngayong linggo at kung maaprubahan ito ay maaaring itong ratipikahan sa pagbabalik sesyon sa Hulyo 23.

Target na malagdaan ito ng Pangulo bago ang kanyang State of the Nation Address o SONA.

—-

Pinagreretiro na ni Pangulong Rodrigo Duterte si Senator Manny Pacquiao matapos nitong makuha ang World Boxing Association Welterweight Belt mula kay Argentinian Boxer Lucas Matthysse.

Pinaluhod ng 39-year-old Filipino legend si Matthysse sa round 7 ng kanilang laban kanina sa Kuala Lumpur, Malaysia na personal na sinaksihan at pinanood ng punong ehekutibo.

Ayon kay Pangulong Duterte, gusto niyang makita ang kanyang kaibigan na nagpapahinga na sa pagboboksing at i-enjoy na lamang ang kanyang buhay.

Pahayag ng Pangulo, wala nang magiging problema si Pacquiao sakaling magretiro dahil sobra-sobra na aniya ang pera nito.

Dagdag ni Pangulong Duterte, gagawin niyang inspirasyon sa kanyang pakikipag-dayalogo kay Malaysian Prime Minister Mahathir Mohamad ang tagumpay ng Pambansang Kamao.

—-