Umapela ang Malacañang kay Vice President Sara Duterte na hikayatin si Senador Ronald “Bato” dela Rosa na bumalik sa Senado at dumalo sa mga sesyon, sa gitna ng patuloy na usapin sa liderato.
Ayon kay Communications Undersecretary Claire Castro, hindi makatotohanan ang mungkahi ni Duterte na kailangang lumahok sa diskusyon ang lahat ng 24 senador, kabilang ang mga hindi nakadadalo.
Giit ni Castro, may mga umiiral na legal na proseso at hindi maaaring basta makilahok ang isang mambabatas kung ito ay may kinahaharap na kaso o legal na hadlang nang walang pahintulot ng korte.
