Makatatanggap ng dobleng sahod ang mga manggagawang magtatrabaho sa mismong araw ng Hunyo 28 kasunod ng paggunita ng Eid’l Adha o Feast of Sacrifice.
Kinumpirma ito ng Department of Labor and Employment (DOLE).
Ayon kay DOLE Sec. Bienvenido Laguesma, ang mga empleyado na magtatrabaho sa nasabing araw ay pagkakalooban ng 200 porsyento ng kanilang sahod.
Bukod pa rito, ang mga magtatrabaho ng mahigit walong oras sa mismong araw ay magkakaroon ng karagdagang 30 porsyento ng bawat oras na kita.
Habang ang mga manggagawang hindi papasok sa trabaho ay makatatanggap pa rin ng 100 porsyento ng sahod sa naturang araw.
