Patay matapos pagbabarilin ang assistant cameraman/driver ng CNN Philippines sa Cavite.
Kinilala ng NUJP o National Journalists Union of the Philippines ang biktima na si Jonathan Oldan.
Ayon sa NUJP, ang pamamaril kay Oldan ay nangyari alas-5:15 kaninang madaling araw sa Bukaneg St. sa barangay Pinagbuklod sa Imus.
Si Oldan na bumibili umano ng sigarilyo sa isang tindahan bago ito nabaril ay nagtamo ng apat na tama ng bala sa ulo.
Iniimbestigahan na ng mga otoridad ang nasabing insidente at nagpadala na ng NBI team si Secretary Leila de Lima para tutukan ang kaso.
By Judith Larino | Bert Mozo (Patrol 3)
