Inatasan ng Malacañang ang mga awtoridad na magsagawa ng agarang imbestigasyon sa pagkamatay ng dalawang student-athletes ng Ateneo de Manila University na nalunod sa Aurora, Quezon.
Ayon kay Palace Press Officer Claire Castro, nais ni Pangulong Ferdinand Marcos Jr. na agad matukoy ang buong katotohanan sa insidente. Nagpahayag din ang Palasyo ng pakikiramay sa mga naulilang pamilya.
Ang mga nasawi ay sina 19-anyos na si Rene Clert Baterbonia at 21-anyos na Nigerian athlete na si Divine Adili. Nangyari ang insidente noong Lunes habang isinasagawa ang team-building activity ng Ateneo Blue Eagles sa Dipaculao, Aurora.
