HOT STORIES OF THE WEEK

Lalo pang tumaas ang presyo ng bigas sa nakalipas na walong buwan kahit patuloy ang pagdating ng imported rice.

Ayon sa Philippine Statistics Authority (PSA), umabot na sa P43.18 ang kada kilo ng wholesale na well-milled rice ngayong Agosto kumpara sa dating 38 pesos, noong isang taon.

Dahil dito, tumaas ang average retail price sa P45.71 centavos kada kilo.

Umabot naman sa P40.08 kada kilo ang wholesale price ng regular-milled rice kumpara sa dating 35 pesos noong isang taon dahilan upang tumaas ang retail prices P42.26 kada kilo.

Samantala, nilinaw ng National Food Authority (NFA) na wala pang epekto sa inaasahang pagbaba ng presyo ang mga inimport ng bigas.

—-

Nilagdaan na ni Pangulong Rodrigo Duterte ang Occupational Safety Law na titiyak na ligtas sa anumang “peligro sa trabaho” ang mga manggagawa.

Alinsunod sa Republic Act 11058, inaatasan ang mga employer, contractor at subcontractor na tiyaking ligtas sa sakit o disgrasya ang mga lugar na pinag-tatrabahuhan.

Dapat ding magbigay ang mga employer ng kumpletong job safety instructions o orientation sa lahat ng manggagawa at mga paraan sa pagharap sa anumang emergency o aksidente.

Sa ilalim din ng nasabing batas, may karapatan ang mga empleyado na tumangging mag-trabaho nang walang pagbabanta mula sa kanilang mga employer kung malalagay sila sa kapahamakan.

—-

Itinanggi ni Pangulong Rodrigo Duterte ang pahayag ni Communist Party of the Philippines o CPP Founding Chairman Jose Maria Sison na na-comatose siya.

Ayon kay Pangulong Duterte, sa katunayan ay nananatiling malusog ang kanyang pangangatawan.

Sa pamamagitan ng live streaming sa Facebook, ipinakita rin ng Pangulo ang babaeng kasama niyang mag-dinner.

“Joma, ang wish ko sa buhay lumabas ka na walang ka nang silbi sa mundong ito mabubuhay ka pa rin ng mga 1,000 years para ikot ng ikot ka lang dito sa mundo. I’am alive, fairly healthy and I’m having dinner with the with a beautiful lady from Davao. She’s Vernice (Vernice Victorio), she’s on leave from Harvard, babalik yun. I invited her to discuss some things along the way when she comes back. Ok pa naman ako sabi nila comatose, how can you be comatose with a beautiful lady? Kung comatose ako makita ko si Vernice talagang babangon ako.” Pahayag ni Duterte.

Bandang huli, sinupalpal muli ni Pangulong Duterte si Sison na siyang tunay na may sakit.

“Ikaw ang comatose, ikaw yung may sakit. Alam ang totoo lang complain na rin ang Netherlands kasi labas-pasok ka sa hospital hindi ka naman nagbabayad. You are not paying you’re abusing the hospitality of the Netherlands. If you think that you are sick, come home and I’ll bring you to a place, it’s called “Bilibid”. Pero doon we will provide you your space, a bed and a plenty to keep you in company.” Ani Duterte.

—-

Itinanggi ng Malacañang na nasa coma ang Pangulong Rodrigo Duterte tulad ng sinasabi ni Jose Maria Sison ng Communist Party of the Philippines o CPP.

Una rito, sa Facebook page ni Sison, sinabi nitong nakatanggap siya ng impormasyon na nasa coma ang Pangulo simula nitong Linggo ng hapon.

Ayon aniya sa mga nakakita sa Pangulo sa national convention ng Lex Talionis Fraternitas noong Sabado, lumala ang pangingitim ng mukha ng Pangulo kumpara noong Biyernes at mabuway na rin ito sa kanyang pakikipagkamay at paglalakad.

Kinontra ito ni Presidential Spokesman Harry Roque dahil inabot pa aniya ng hatinggabi sa okasyon ang Pangulo kasama si dating Justice Secretary Vitaliano Aguirre.

Sinabi ni Roque na napakalayo ni Joma Sison para siya pa ang unang makaalam kalagayang pangkalusugan ng Pangulo.

Binigyang diin ni Roque na binigyan na ng clean bill of health ng kanyang doktor ang Pangulo noong huling magpacheck-up ito.

Iginiit ni Roque na walang sakit ang Pangulo kaya’t hindi kailangan ng full disclosure ng kalagayan ng kanyang kalusugan na siyang isinasaad ng Konstitusyon.

Aminado si Roque na dalawang linggong mananatili sa Davao City ang Pangulo subalit makikita rin siya sa National Heroes Day sa August 27 at isa pang okasyon sa Cebu.

—-

Pinangunahan ni Philippine National Police o PNP Chief Director General Oscar Albayalde ang panunumpa ng mahigit labing anim na libo’t pitong daang (16,700) na-promote na mga pulis sa buong bansa ngayong araw.

Kabilang dito ang mahigit isang libo’t dalawang daang (1,200) commissioned officers at mahigit labing limang libong (15,000) non-commissioned officers.

LOOK: Mahigit isanlibo’t limandaang pulis, binigyan ng promosyon at umakyat ang ranggo | @dwiz882 pic.twitter.com/MP0EFiPi0P

— ♕Jaymark Dagala♕ (@jaymarkdagala) August 20, 2018

Aabot naman sa halos isang libo’t limang daang (1,500) tauhan ng National Capital Region Police Office o NCRPO ang na-promote sa mga ranggong police superintendent, senior inspector, senior police officer 3, 2 at 1 gayundin sa police inspector, chief inspector at police officer 2 at 3.

Pinarangalan din ni Albalyalde ang mga miyembro ng Makati Police na umaresto sa tatlong abogado sa kanilang ikinasang anti-drug operation sa isang bar sa Makati kamakailan.

LOOK: Mga Pulis makati na umaresto sa ilang abogado kasunod ng raid sa isang bar, binigyang parangal | @dwiz882 pic.twitter.com/5afUiErhQe

— ♕Jaymark Dagala♕ (@jaymarkdagala) August 20, 2018

PANOORIN: Ang mensahe ni PDG Oscar Albayalde sa mga pulis makati na umaresto sa tatlong abogado | @dwiz882 pic.twitter.com/qHQKzp0dSb

— ♕Jaymark Dagala♕ (@jaymarkdagala) August 20, 2018

Kabilang sa nakatanggap ng medalya ng kagalingan ang pinuno ng Makati Police na si Senior Supt. Rogelio Simon.

Samantala, naging mahigpit naman ang bilin ni Albayalde sa mga pulis na gawin lang ang trabaho na may puso at iwasang kumagat sa tukso.

(Ulat ni Jaymark Dagala)

Nagbitiw na si Secretary Liza Maza bilang pinuno ng National Anti-Poverty Commission o NAPC.

Ayon kay Maza, ‘irrevocable’ ang resignation letter na ipinadala niya sa Pangulong Rodrigo Duterte.

Kabilang sa mga pangunahing dahilan na ibinigay ni Maza ang anya’y harassment sa kanila nang buhayin ang double murder case laban sa kanya at mga kasamahan sa maka-kaliwang grupo at ang tuluyang pagkansela ng Pangulo sa peace talks sa komunistang grupo.

Pinuna ni Maza na wala ring matatamong pagbabago dahil nakabalik na ang mga pinaniniwalaang naging tiwaling opisyal ng pamahalaan tulad ng mga Marcos at ngayo’y House Speaker Gloria Arroyo.

Sinabi ni Maza na magbabalik na lamang siya sa kilusan ng mamamayan dahil mas epektibo niyang maisusulong doon ang kanyang mga adhikain at adbokasiya sa mahaba nang panahon.

Just In : NAPC Sec.Liza Maza resigns @dwiz882 pic.twitter.com/1nD6FmL5C1

— Jill Resontoc – DWIZ -882 AM radio (@JILLRESONTOC) August 20, 2018

—-

Pangungunahan ni Pangulong Rodrigo Duterte ang pagsisimula ng information drive sa panukalang federal constitution.

Ito ang inihayag ni Executive Secretary Salvador Medialdea sa huling sesyon ng Consultative Committee o Con-com na bumalangkas sa federal charter.

Pinalutang ni Pangulong Duterte ang ideya matapos niyang pulungin sina Medialdea, dating Chief Justice at Con-com Chairman Reynato Puno, dating Senate President at Con-com member Aquilino “Nene” Pimentel Jr.

Gayunman, wala pang impormasyon kung kailan ilulunsad ng Con-com ang information campaign.

Kabilang ang pagtatatag ng pederalismo kapalit ng kasalukuyang sistema ng gobyerno sa mga ipinangako ni Duterte noong 2016 presidential campaign.

—-