HEADLINES

OMBUDSMAN, NAGSAMPA NG REKLAMO LABAN SA MGA VILLAR AT PRIMEWATER OFFICIALS

Nagsampa ang Office of the Ombudsman ng criminal at administrative complaints laban sa ilang opisyal at may-ari ng Prime Water Infrastructure Corporation (PWIC) kaugnay ng mga joint venture agreement (JVA) nito sa mga local water district.
Kabilang sa mga respondent sina Sen. Mark Villar, dating kalihim ng Department of Public Works and Highways (DPWH) at sinasabing beneficial owner ng PWIC at Prime Asset Ventures Inc. (PAVI); Sen. Camille Villar; dating senador Manuel “Manny” Villar; dating senador Cynthia Villar; at Manuel Paolo Villar.

Ayon sa Ombudsman, nag-ugat ang imbestigasyon sa ulat mula sa Office of the Government Corporate Counsel (OGCC) hinggil sa 75 local water districts na pumasok sa JVA kasama ang PWIC mula 2015 hanggang 2022.
Saklaw ng mga kasunduan ang financing, development, rehabilitation, expansion, improvement, operation at maintenance ng water supply at septage services sa mga nasasakupang lugar.
Kabilang sa mga reklamong sinisiyasat ang umano’y kabiguan ng PWIC na makapagbigay ng tuloy-tuloy na suplay ng tubig at alegasyong hindi umabot sa drinking-water standards ang kalidad ng tubig.

Batay naman sa records ng Commission on Audit (COA), nagkaroon ng adverse findings na humantong sa pag-isyu ng Notices of Charge (NCs), kabilang ang hindi umano pagbabayad ng PWIC para sa paggamit o pagkonsumo ng materials at supplies inventory ng ilang local water districts.

Sa tatlong water district na kabilang sa initial list—Quezon Metropolitan Water District, San Pedro Water District sa Laguna, at Trece Martires City Water District—umabot sa P65,650,708.07 ang kabuuang unpaid obligations na binanggit sa reklamo.
Kasama rin sa mga respondent ang ilang opisyal ng PWIC/PAVI at mga local water district, kabilang sina PWIC/PAVI President Fe T. Rebancos, PWIC Vice President Romeo M. Sabater, at mga general manager at miyembro ng Joint Venture Selection Committees at boards of directors ng tatlong water district.

Isinampa ng Ombudsman ang mga reklamo para sa umano’y paglabag sa Sections 3(e) at 3(g) ng Republic Act No. 3019, o Anti-Graft and Corrupt Practices Act.
Sinabi rin ng ahensya na maaaring pumasok sa malversation of public funds ang ilang sinasabing pagkilos, habang ang mga sangkot na government personnel ay maaari ring maharap sa reklamo para sa grave misconduct sa ilalim ng 2017 Rules on Administrative Cases in the Civil Service.
Ayon sa Ombudsman, paunang listahan pa lamang ito at inaasahang magpapatuloy ang imbestigasyon at posibleng magkaroon ng karagdagang reklamo.

Iginiit ng ahensya na pananagutin nito ang sinumang mapatunayang sangkot sa mga gawaing nakapipinsala sa paggamit ng pondo ng gobyerno at sa interes ng publiko, anuman ang posisyon o pagkakakilanlan ng mga responde

September 18, 2026 0 comment

HEADLINES HOT STORIES OF THE WEEK NEWS

MGA SENADOR NA HINDI LUMALAHOK SA IMPEACHMENT TRIAL, HINDI DAPAT ISAMA SA VOTING THRESHOLD AYON SA PROSECUTION

written by DWIZ 882

Binigyang-diin ni House Trial Spokesperson Renee Co na hindi dapat isama sa voting threshold ang mga senador na hindi nakakadalo o nakikilahok sa impeachment trial ni Vice President Sara Duterte.

Ayon kay Co, hindi makatarungang isama sa bilang ang mga absent na senador at walang ambag sa paglilitis.

Sang-ayon din si Co sa mga ibinahagi ng mga “amici curiae” o friends of the court, partikular sina dating Supreme Court Chief Justices Hilario Davide Jr., Artemio Panganiban, at Reynato Puno, na nagbigay ng malinaw na paliwanag at gabay sa usapin ng two-thirds voting requirements tungo sa maayos na paglutas sa kabuuang bilang ng boto para sa conviction.

Kaugnay nito, nanawagan si Co sa publiko na bantayan ang oral arguments at botohan ng Senate Impeachment Court sa usapin ng voting threshold. | mula sa panulat ni Geli Mendez

September 16, 2026 0 comment

HEADLINES NEWS

DAVAO CITY MAYOR BASTE DUTERTE, KABILANG SA MGA TESTIGONG IHAHARAP NG PROSECUTION LABAN SA KAPATID NA SI VP SARA

written by DWIZ 882

Hiniling ng House Prosecution Panel sa Senate Impeachment Court na ipasubpoena si Davao City Mayor Sebastian “Baste” Duterte para magsilbing witness stand sa impeachment trial laban sa kaniyang kapatid na si Vice President Sara Duterte.

Ayon kay House Trial Spokesperson Zia Alonto Adiong, inihahanda na ng prosecution ang mga karagdagang ebidensya kaugnay sa GenCorp., isang kumpaniyang nakalista sa mga idineklarang business interests ng Bise Presidente.

Paliwanag ni Adiong, hindi dapat tingnan ang pag-imbita sa alkalde bilang testigo dahil lamang sa pagiging kapatid ng Bise Presidente kundi dahil mayroon itong personal at opisyal na kaalaman tungkol sa mga usaping bahagi ng presentasyon ng prosecution sa Article II.

Nabatid na si VP Sara mismo ang nagdeklara sa kaniyang Statement of Assets, Liabilities and Net Worth o SALN na mayroon siyang interes sa naturang kumpanya.

Matatandaang natuklasan sa mga pagdinig ng komite sa Kamara na nakakuha ang GenCorp ng milyun-milyong pisong food at catering contracts mula sa Davao City Government na nakatanggap ng tinatayang P14.32 million mula 2022 hanggang 2025.

Target namang isulong ng prosecution sa Senate Impeachment Court na gawing hostile witness si Mayor Baste Duterte.

Bukod sa alkalde, inaasahan ding haharap sa susunod na linggo ang SEC official na si Gerardo Del Rosario para magbigay ng testimonya sa mga record na may kaugnayan sa business interest ng Bise Presidente. | mula sa panulat ni Geli Mendez

September 16, 2026 0 comment

HEADLINES

HOUSE PROSECUTION, MANANATILING NAKATUTOK SA PAGLALAHAD NG MATIBAY NA EBIDENSYA PARA MA-CONVICT SI VP SARA

written by DWIZ 882

HOUSE PROSECUTION IMPEACHMENT TRIAL VP SARA DUTERTE

Mananatiling nakatuon ang House prosecution panel sa paglalahad ng matibay na ebidensya para kumbinsihin ang mga senator-judge na hatulang guilty si Vice President Sara Duterte.

Ito’y matapos marinig ng prosecution team ang pananaw at suhestiyon ng mga amicus curiae tungkol sa kinakailangang bilang ng boto para sa conviction sa impeachment trial.

Ayon kay House Prosecutor Jonathan Keith Flores, hahayaan nila na ang Senate Impeachment Court ang magdesisyon sa magiging voting threshold sa impeachment trial at mananatili ang posisyon ng prosecution na tutukan ang paglalatag ng mabibigat na ebidensya.

Sinabi ni Flores na kanilang igagalang at handa silang sundin ang magiging desisyon ng Senado kung 16, 15, 14, o 13 man ang kailangang boto para sa conviction.

Samantala, sinabi ni House Prosecution Spokesperson Zia Alonto Adiong na naging makabuluhan at nagbigay-aral para sa prosecution at defense lawyers ang mga opinyon ng mga retiradong mahistrado.

Aniya, tungkulin ng prosecution na maiprisinta ang kanilang mga testigo, mga dokumento at iba pang ebidensya, pati na ang kanilang testimonya sa Impeachment Court. | mula sa panulat ni Geli Mendez

September 16, 2026 0 comment

HEADLINES HOT STORIES OF THE WEEK

EPEKTO NG DAGDAG-BUWIS SA ASUKAL AT IBA PANG SWEETENER, IBINABALA NG ISANG MAMBABATAS

written by DWIZ 882

Nagbabala si Bukidnon 3rd District Rep. Audrey Zubiri sa posibleng paglawak ng epekto ng panukalang taasan ang buwis sa asukal at iba pang sweetener.

Ayon kay Zubiri, maaaring maapektuhan hindi lamang ang mga consumer kundi maging ang mga magsasaka ng tubo o sugarcane farmers, sugar millers, producers, manufacturers, at ang mga araw-araw na bumibili at umiinom ng mga produktong may asukal.

Sa joint hearing ng House Committees on Ways and Means at Health, iminungkahi ni Zubiri na masusing pag-aralan ang epekto ng dagdag-buwis sa sugar industry mula sa mga consumer at magsasaka hanggang sa mga manufacturer ng naturang produkto.

Para sa kongresista, dapat balansehin ng Kongreso ang layuning mahikayat ang mga Pilipino na pumili ng mas malusog na pagkain at inumin, habang pinoprotektahan ang kabuhayan ng mga magsasaka at lokal na industriya ng asukal.

Nababahala si Zubiri na kapag itinaas ang buwis ay lalong mas piliin ng mga manufacturer ang imported artificial sweeteners, na maaaring makaapekto sa lokal na mga magsasaka.

Nabatid na ilang kongresista ang naglalayong itaas mula P6 hanggang P20 kada litro ang buwis sa mga matatamis na inumin, habang P40 naman kada litro sa high-fructose corn syrup.

Binigyang-diin ni Zubiri na suportado niya ang mga hakbang sa mas malusog na pagkain at inumin, pero hindi dapat maisantabi ang kabuhayan ng mga Pilipino. | mula sa panulat ni Geli Mendez

September 15, 2026 0 comment

HEADLINES HOT STORIES OF THE WEEK NEWS

Cash declaration ni VP Sara sa kaniyang SALN, natukoy na kulang-kulang sa impeachment trial

written by DWIZ 882

Napatunayan sa Day 25 ng impeachment trial ang kulang-kulang na cash declarations ni Vice President Sara Duterte sa kaniyang Statement of Assets, Liabilities, and Net Worth o SALN.

Ito’y matapos ibulgar sa presentasyon ni Private Prosecutor Atty. James Bryan Ibrahim Alih ang kakulangan sa mga dokumentong isinumite ng Bise Presidente sa kaniyang SALN.

Ayon sa witness stand na si Ombudsman Records Division Officer-in-Charge Karen Batu, mula nang manungkulan si VP Sara noong 2007, walang isinumiteng cash declaration si VP Sara mula sa taong 2013 hanggang 2015 at taong 2019 hanggang 2025.

Sa press conference, kinuwestiyon ni House Deputy Speaker Paolo Ortega V ang kakulangan sa cash declaration ng Bise Presidente.

Ayon kay Ortega, hindi siya naniniwalang walang cash na hawak si VP Sara, dahil maging ang mga ordinaryong manggagawa ay may barya ang kanilang sariling mga bulsa. | mula sa panulat ni Geli Mendez

September 15, 2026 0 comment

HEADLINES HOT STORIES OF THE WEEK

PAGIGING BASTOS NG DEFENSE LAWYER SA WITNESS STAND SA IMPEACHMENT TRIAL, PINUNA NG HOUSE LEADER

written by DWIZ 882

“Medyo bastos” para kay House Deputy Speaker Janette Garin ang pamamaraan ng cross-examination ng defense lawyer na si Atty. Mark Vinluan kay dating Sandiganbayan Justice Amparo Cabotaje-Tang.

Ayon kay Garin, nagulat siya sa naging paraan ng pagtatanong ni Vinluan, lalo na nang tanungin ang dating mahistrado kung kabilang ito sa “Kakampink” o DDS.

Aniya, hindi angkop ang ganitong mga tanong sa isang impeachment proceeding kung saan, tila pinipilit pang sumagot ang testigo sa mga bagay na dapat ay nakatuon lang sa kaniyang presensya sa impeachment court para magbigay ng interpretasyon sa mga batas batay sa kaniyang karanasan.

Para kay Garin, mas angkop ang mga katanungan ni Vinluan sa isang criminal court kaysa sa impeachment proceedings at malinaw na may layuning ilihis ang atensyon ng publiko.

Binigyang-diin ni Garin na mahaba at malinis ang mga record ni Cabotaje-Tang para magbigay ng ekspertong paliwanag tungkol sa batas, partikular sa unexplained wealth at SALN.

Sinabi rin ni Garin na ipinaliwanag ng dating mahistrado na walang problema kung may pera sa bank account ng isang public official, basta legal ang pinagmulan nito at tugma sa idineklarang kita. | mula sa panulat ni Geli Mendez

September 15, 2026 0 comment

HEADLINES HOT STORIES OF THE WEEK NEWS

PAREHONG PAMANTAYAN NG PANANAGUTAN SA MGA ORDINARYONG KAWANI NG GOBYERNO DAPAT DING IPATUPAD KAY VP SARA AYON SA PROSECUTION

written by DWIZ 882

Iginiit ng House Prosecution Panel na dapat maging pantay ang pamantayan sa pananagutan na ipinapatupad sa lahat ng opisyal at kawani ng gobyerno.

Ayon kay House Prosecutor Terry Ridon, may mga kawani at guro na naparurusahan dahil lamang sa hindi pagdedeklara ng kanilang maliliit na negosyo.

Natalakay kasi kahapon ni Retired Sandiganbayan Presiding Justice Amparo Cabotaje-Tang sa impeachment trial ni Vice President Sara Duterte ang mga patakaran sa SALN, hindi maipaliwanag na yaman, at financial interest sa mga public official.

Naniniwala si Ridon na hindi dapat magkaroon ng ibang pamantayan para sa mga matataas na opisyal ng gobyerno, kabilang ang Pangalawang Pangulo.

Ngayong Day 25 ng impeachment trial, asahan ang pagharap ng dalawa pang testigong haharap sa witness stand, kabilang na sina Ombudsman Records Division Officer-in-Charge Atty. Karen Batu at SEC Company Registration and Monitoring Department Director Atty. Gerardo Del Rosario. | mula sa panulat ni Geli Mendez

September 15, 2026 0 comment

HEADLINES HOT STORIES OF THE WEEK NEWS

Panawagan ni VP Sara kay Pangulong Marcos, binatikos ng prosecution

written by DWIZ 882

Tinawag na “makapal ang mukha” ni House Prosecutor Terry Ridon si Vice President Sara Duterte dahil sa panawagan nitong bumaba sa puwesto si Pangulong Ferdinand “Bongbong” Marcos Jr.

Ayon kay Ridon, “self-serving” ang panawagan ng bise presidente dahil siya ang constitutional successor at siya rin ang maaaring makinabang sakaling bumaba sa puwesto ang Pangulo.

Aniya, walang problema kung ang mga tagasuporta ni VP Sara ang manawagan sa Pangulo na magbitiw, pero nakakatawa umano na mismong ang bise presidente ang gumawa nito.

Iginiit ni Ridon na hindi niya matandaang may bise presidente noong kasagsagan ng EDSA Dos na nanawagan sa Pangulo na magbitiw sa puwesto.

Dagdag pa niya, walang ibang dapat sisihin ang bise presidente sa mga kinahaharap nitong problema kundi ang kaniyang sarili, kabilang ang impeachment trial at kasong grave threats sa Quezon City Regional Trial Court. | mula sa panulat ni Geli Mendez/DWIZ Patrol

September 14, 2026 0 comment

HEADLINES HOT STORIES OF THE WEEK NATIONAL NEWS NEWS

SUPORTA SA MGA REPORMA PARA SA DEKALIDAD NA EDUKASYON, TINIYAK NG LIDER NG KAMARA

written by DWIZ 882

“Masaya tayo sa progreso, pero hindi dapat makuntento.”

Ito ang binigyang-diin ni House Speaker Faustino Dy III, kaugnay ng pagbuti ng ranking ng Pilipinas sa 2025 Programme for International Student Assessment o PISA.

Ayon kay Speaker Dy, “welcome news” ito at patunay na ang pamumuhunan at reporma sa edukasyon ay nagsisimula nang magdulot ng magandang resulta.

Pinuri rin ni Speaker Dy ang administrasyon ni Pangulong Ferdinand Marcos Jr., ang Department of Education o DepEd hanggang sa mga paaralan, sa kabila ng mga hamon sa sektor ng edukasyon sa ating bansa.

Gayunman, sinabi ni Dy na mahalagang maipagpatuloy ang mga naumpisahan, at tiyakin na ang progreso ay makakaabot sa bawat silid-aralan at bawat batang Pilipino.

Batay sa latest na resulta ng PISA… ang Pilipinas ay nasa ika-labing lima pagdating sa Science; ika-labing pito sa Math; at ika-labing siyam pagdating sa Reading.

Tiniyak naman ni Speaker Dy na katuwang ng gobyerno ang Kongreso sa pamamagitan ng pagsuporta sa lahat ng mga reporma, programa at pondo na kailangan ng mga guro at mga mag-aaral, tungo sa de-kalidad na edukasyon. | mula sa panulat ni Geli Mendez

September 11, 2026 0 comment

Newer Posts

Older Posts