Home HEADLINES

HEADLINES

HEADLINESNEWS

Malaya nang makakapagtestigo ang mga witness hinggil sa isyu ng unexplained wealth ni Vice President Sara Duterte – solon

written by DWIZ 882
VP SARA DUTERTE

Kasunod ito ng pagbasura ng Quezon City Prosecutor’s Office sa petisyon ni Atty. Manases Carpio na huwag i-disclose ang bank records nila ng Bise Presidente.

Ayon kay House Prosecutor at Manila Rep. Joel Chua, napapanahon ang desisyon ng korte dahil sisimulan na ng prosecution sa susunod na linggo ang presentasyon sa Article 2 o unexplained wealth.

Sinabi ni Chua na inaasahan nilang makikita ng korte ang umano’y intensiyon ng petisyon ni Carpio para i-harass hindi lamang ang prosecution kundi maging ang mga tatayong testigo.

Dagdag pa ni Chua, dahil ibinasura na ang petisyon, wala nang nakikitang balakid ang prosecution sa pagharap ng mga testigo para patunayan ang hindi maipaliwanag na yaman ng Bise Presidente.

Nabatid na kabilang sa nakatakdang tumestigo ang sampu pang witnesses mula sa gobyerno at pribadong sektor, kasama ang 15 kinatawan mula sa banking institutions, na haharap sa impeachment trial tungkol sa SALN at mga business interest ng mag-asawang Duterte-Carpio. | mula sa panulat ni Geli Mendez

September 10, 2026 0 comment
0 Facebook Twitter Google + Pinterest
HEADLINESHOT STORIES OF THE WEEK

Kamara, Planong Mag-Realign ng Pondo Upang Madagdagan ang 2027 Budget ng DPWH

written by DWIZ 882
DPWH

Target ng Kamara na mag-realign ng pondo para maitaas ang budget ng Department of Public Works and Highways o DPWH sa taong 2027.

Ito ang sinabi ni House Appropriations Vice Chairperson at Surigao del Sur Rep. Romeo Momo, na batay sa panukalang 2027 national budget, nasa 643.95 billion pesos ang alokasyon para sa DPWH.

Ayon sa kongresista, batay sa pagtataya, kailangan ng mahigit isang trilyong pisong investment para sa mga infrastructure project na dapat makumpleto, lalo na ang mga malalaking proyekto sa flood control.

Sinabi ni Momo na kailangan ding maitaas ang “spending” o paggastos, dahil ang DPWH ang itinuturing na “engineering arm” ng pamahalaan at tagapagpatupad ng mga proyektong pang-imprastraktura.

Tiniyak naman ni Momo na hindi babawasan ang pondo para sa edukasyon, kalusugan at social services, at sa halip ay dadagdagan pa ito.

Sa pahayag naman ni Quezon Rep. Reynante Arrogancia, ang vice chairperson din ng komite, susuriin ang mga pondo ng mga ahensyang may infrastructure projects, gayundin ang mga hindi nagagamit na pondo, para matukoy kung alin ang maaaring i-realign. | mula sa panulat ni Geli Mendez

September 10, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNEWS

Patuloy na pagliban sa trabaho ni Cong. Leandro Leviste, posibleng aksiyunan ng komite sa Kamara

written by DWIZ 882
Batangas 1st District Rep. Leandro Legarda Leviste

Maaaring umaksyon ang House Committee on Ethics and Privileges kung mabibigong maipaliwanag ni Batangas Rep. Leandro Leviste ang kanyang patuloy na pagliban sa trabaho.

Ito ang sinabi ni House Deputy Speaker at La Union Rep. Paolo Ortega the Fifth, nang tanungin kung ano ang maaaring gawin ng Kamara sa patuloy na pag-absent ni Leviste.

Ayon kay Ortega, sa ngayon ay wala pa siyang naririnig kung may hakbang ang Kamara laban o kaugnay ng sitwasyon ni Leviste.

Una nang kinumpirma ni NBI Director Melvin Matibag na lumabas ng bansa si Leviste kasama ang kanyang ina na si Senator Loren Legarda noong Agosto dos.

Kasunod ito ng mga ulat na maaaring kasuhan ng NBI si Leviste at iba pang indibidwal kaugnay ng umano’y “honey trap” plot laban kay Executive Secretary Ralph Recto, bukod sa plunder case na may kaugnayan sa solar energy commitment.  | mula sa panulat ni Geli Mendez

September 10, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNEWS

Misis ni dating SDO Edward Fajarda, kabilang sa testigong ihaharap sa impeachment trial ngayong linggo

written by DWIZ 882
EDWARD FAJARDA

Tatlo pang testigo ang nakatakdang iharap sa impeachment trial na may kaugnayan sa Article 1 o maling paggamit ng confidential funds ni Vice President Sara Duterte.

Kabilang sa i-prisinta ng House Prosecution Panel ang misis ni dating DepEd Special Disbursing Officer Edward Fajarda na si dating DepEd Assistant Secretary Sunshine Fajarda; Police Major Jovelyne Maggay; at COA Assistant Commissioner Bresilio Sabaldan.

Ito’y para patunayan ang misuse of confidential funds ng Bise Presidente na aabot sa P612.5 million, kung saan, ang P500 million ay nagastos sa ilalim ng OVP at ang P112.5 million naman ay nagastos sa ilalim ng DepEd noong si VP Sara pa ang namamahala nito.

Una nang sinabi ni House Lead Prosecutor Gerville Luistro na kanila nang tatapusin ang presentasyon ng testigo at ebidensya sa Article 1 ngayong linggo bago magtungo sa susunod na artikulo.

Matatandaang nilinaw kahapon ni Luistro na kanilang isusunod ang Article 2 na tumutukoy sa unexplained wealth o hindi maipaliwanag na yaman ni VP Sara bago talakayin ang Article 3 o bribery and corruption.

Sinabi ni Luistro na ang pagbabago sa presentasyon ng Articles of Impeachment ay hindi nangangahulugang mahina o ibinasura na ang Article 3, kundi dahil sa availability ng mga testigong haharap sa impeachment trial.

Nilinaw ng Lead Prosecutor na walang ilalaglag na artikulo at mananatili sa kanilang presentasyon ang Article 3. | mula sa panulat ni Geli Mendez

 

September 8, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNATIONAL NEWSNEWS

DepEd, patuloy na pinalalakas ang Anti-Bullying Law sa mga paaralan

written by DWIZ 882
BULLY

Patuloy na pinalalakas ng Department of Education o DepEd ang pagpapatupad ng Anti-Bullying Law sa bawat paaralan sa bansa.

Ito ang sinabi ni Education Secretary Sonny Angara, matapos tanungin sa pagdinig ng Appropriations Committee ni Akbayan Partylist Rep. Perci Cendaña ukol sa mga hakbang ng departamento para tugunan ang pambubully sa mga mag-aaral.

Binigyang-diin ni Cendaña ang nakababahalang ulat ng EDCOM 2, na tinukoy ang Pilipinas bilang “Bullying Capital of the World” na nakakaapekto sa learning competency ng mga mag-aaral.

Isa rin aniya ito sa nakikitang dahilan ng mga insidente ng karahasan sa mga paaralan.

Ayon kay Angara, mahigit 36-thousand schools na ang may gumaganang Child Protection Committees na tumutugon sa mga kaso ng bullying at iba pang suliranin ng mga estudyante.

Pinalalakas din ng DepEd ang mental health support sa pamamagitan ng mas mabilis na pagha-hire ng school counselor associates, na maaari nang makumpleto sa loob ng halos 30 araw.

Iniulat din ni Angara na 100 percent na ang designation ng Learning Formation Officers sa lahat ng paaralan. | mula sa panulat ni Geli Mendez

September 8, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNEWS

DATING HOUSE SPEAKER MARTIN ROMUALDEZ, HANDANG HARAPIN ANG MGA ALEGASYON SA KORTE; DUE PROCESS, HINIHILING NG MAMBABATAS

written by DWIZ 882
romualdez

Handang harapin ni dating House Speaker at Leyte Rep. Martin Romualdez ang mga alegasyong ibinabato laban sa kaniya sa legal na proseso.

Kasunod ito ng kasong plunder na isinampa ng Office of the Ombudsman sa Sandiganbayan laban sa kaniya, kay dating Cong. Zaldy Co, at iba pang sangkot umano sa kickback scheme sa flood control projects.

Ayon kay Atty. Ade Fajardo, ang abogado at tagapagsalita ni Romualdez, iginagalang ng mambabatas ang mga korte at haharapin nito ang mga alegasyon laban sa kaniya alinsunod sa batas.

Ayon kay Fajardo, hindi dapat mapalitan ng public interest o malaking atensyon ng publiko ang judicial process, dahil ang criminal liability ay dapat matukoy batay sa mga ebidensiyang inilalahad sa korte.

Nilinaw din ng abogado na walang hinihiling na espesyal na pagtrato si Romualdez habang hinaharap ang mga paratang laban sa kaniya.

Ang hinihiling lamang umano ng dating Speaker ay ang parehong due process at makatarungang pagdinig na ipinagkakaloob sa bawat Pilipino.

Iginiit ni Fajardo na dapat manaig ang katotohanan, ebidensya, at patas na proseso sa paghatol ng kaso. | mula sa panulat ni Geli Mendez

September 7, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNATIONAL NEWSNEWS

PAGLALATAG SA PRESENTASYON NG ARTICLES OF IMPEACHMENT, BINAGO NG HOUSE PROSECUTION

written by DWIZ 882
HOUSE PROSECUTION IMPEACHMENT TRIAL VP SARA DUTERTE

Binago ng House prosecution panel ang pagkakasunod-sunod ng presentasyon ng Articles of Impeachment laban kay Vice President Sara Duterte.

Sa pagtatapos ng Day 22 ng impeachment trial, hiniling ni House Lead Prosecutor Gerville Luistro sa Senate Impeachment Court na imbis na Article III na tumutukoy sa bribery at corruption, kanila munang uunahin o isusunod ang Article II na may kaugnayan sa unexplained wealth o hindi maipaliwanag na yaman ng Bise Presidente.

Ayon kay Luistro, ang kanilang mungkahi na i-advance ang presentasyon sa Article II ay dahil sa availability ng mga testigo na haharap sa impeachment trial.

Nilinaw ni Luistro na ang pagbabago sa pagkakasunod-sunod ay hindi nangangahulugang inalis o ibinasura na ng prosecution ang Article III.

Binigyang-diin ng lead prosecutor na mananatili ang lahat ng apat na Articles of Impeachment at walang anumang artikulo ang aalisin sa kanilang presentasyon.

Matatandaang nauna nang inihayag ng prosecution na pinag-aaralan nila kung itutuloy ang presentasyon ng Article III o bribery charge at diretsong magtutungo sa Article II na mas may bigat o matibay.

Kabilang sa tatalakayin na sakop ng unexplained wealth ang mga bank at tax records ni VP Sara at asawang si Atty. Manases Carpio. | mula sa panulat ni Geli Mendez

 

September 7, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNATIONAL NEWSNEWS

DATING DEPED SDO EDWARD FAJARDA, HINDI NA IHAHARAP NG PROSECUTION SA IMPEACHMENT TRIAL

written by DWIZ 882
DEPED FAJARDA

Hindi na ihaharap bilang witness stand ng House prosecution team si dating DepEd Special Disbursing Officer Edward Fajarda.

Ito ang kinumpirma ni Private Prosecutor Atty. Reynaldo Robles sa Senate Impeachment Court na ang kanilang pag-withdraw ay bilang konsiderasyon ng prosecution sa medical condition ni Fajarda.

Matatandaang sa liham na ipinadala ni Fajarda sa prosecution, hiniling niya na palawigin ng 30 days ang kaniyang pagpapahinga, batay na rin sa desisyon ng kaniyang personal doctor matapos ma-stroke.

Ayon kay Robles, ibabatay na lamang ng prosecution sa naging stipulation ang mga naging testimonya ni Fajarda sa nakaraang pagdinig ng House Committee on Good Government and Public Accountability.

Bukas, nakatakdang isalang ang tatlo pang natitirang testigo ngayong linggo, kabilang na si Police Major Jovelyn Magay; Commission on Audit o COA employee Bresildo Sabaldan; at DepEd Assistant Secretary Sunshine Charry Fajarda.

Nilinaw naman ni House Lead Prosecutor Gerville Luistro na bukod kay Fajarda, hindi na rin ihaharap ng prosecution sa witness stand si dating OVP Security Officer Col. Raymund Lachica dahil sapat na ang mga naipresintang ebidensya at testimonya sa impeachment trial kaugnay sa Article 1 na tumutukoy sa maling paggamit ng confidential funds ni VP Sara. | mula sa panulat ni Geli Mendez

September 7, 2026 0 comment
0 Facebook Twitter Google + Pinterest
HEADLINES

Kopya ng bank at tax records ni VP Sara at kanyang mister, hawak na ng House prosecution

written by DWIZ 882
mans-sara carpio

Hawak na ng House Prosecution Panel ang mga kopya ng bank at tax records ni Vice President Sara Duterte, kanyang asawang si Atty. Mans Carpio, at kanilang mga kumpanya.

Ayon kay House Prosecutor at Bicol Saro Party-list Rep. Terry Ridon, ibinigay ng Senate Impeachment Court ang mga dokumento matapos beripikahin ang mga isinumiteng record bilang tugon sa mga subpoena.

Noong Hulyo, anim na bangko ang nagsumite ng financial records na may kaugnayan kay Vice President Duterte at Carpio, habang naghatid din ang Bureau of Internal Revenue ng mga tax documents.

Sinusuri na ng prosecution team ang mga dokumento bilang paghahanda sa paglalahad ng ebidensya para sa Impeachment Article 2, na tumatalakay sa umano’y hindi maipaliwanag na yaman ng pangalawang pangulo.

Tiniyak ni Cong. Ridon na ihahambing ng prosecution ang naturang financial records sa SAL-N o Statements of Assets, Liabilities and Net Worth ng bise presidente, kabilang ang ideklarang kita at mga interes sa negosyo ng mag-asawang Duterte-Carpio.| Sa panulat ni Jordan Gutierrez

September 4, 2026 0 comment
0 Facebook Twitter Google + Pinterest
HEADLINES

Ilang Senator-judge, nais ibaba ang 16-vote threshold sa impeachment trial ni VP Sara

written by DWIZ 882
IMPEACHMENT VP SARA

Ibinunyag ni Senate Majority Leader Juan Miguel “Migz” Zubiri na may ilang senador ang pabor sa posibilidad na ibaba ang 16-vote threshold para sa impeachment trial ni Vice President Sara Duterte.

Ayon kay Senador Zubiri, muling napag-uusapan ang threshold dahil hindi na kumpleto ang mga senator-judge dahil may mga nakakulong at may isang senador na at large, kabilang sina Senators Jinggoy Estrada, Rodante Marcoleta, at Ronald “Bato” dela Rosa.

Dapat anyang pagdebatehan ng mga senador ang naturang issue at hingan ng pasya ang presiding officer, habang posible rin itong umabot sa Korte Suprema.

Nauna nang nilinaw ni Impeachment Presiding Officer Chiz Escudero na maaaring humingi ng judicial relief ang sinumang kumukwestyon sa 16-vote rule.

Matatandaan noong Hulyo a-sais, sa simula ng impeachment trial, tatlong senator-judge na ang hindi nakadalo, pero pinanatili ng Impeachment Court ang two-thirds vote, o 16 sa 24 na senador, para sa final ruling sa kaso ni Vice President Duterte. | Sa panulat ni Jordan Gutierrez

September 4, 2026 0 comment
0 Facebook Twitter Google + Pinterest
Newer Posts
Older Posts