Ipinaliwanag ni House prosecutor Joel Chua kung bakit ipinatawag ng prosecution panel ang ilang resource persons mula sa Philippine National Police (PNP) at Land Registration Authority (LRA) sa nagpapatuloy na impeachment trial ni Vice President Sara Duterte.
Ayon kay Chua, bahagi ito ng pagsusuri ng prosecution sa mga personal na ari-arian na dapat umano’y nakasaad sa Statement of Assets, Liabilities and Net Worth (SALN) ng vice president.
Partikular na tinukoy ni Chua ang hindi pagdeklara ng ilang personal na ari-arian, tulad ng 51 firearms na pagmamay-ari ng VP Sara at asawa nitong si Atty. Manases Carpio, at mga lupa sa Davao City at Samal, na dapat ay naka-itemize sa SALN ayon sa batas.
Giit niya, kailangang matukoy at maitala ang kabuuang halaga ng mga ari-arian, kabilang ang cash, firearms at mga real property, upang makita kung tumutugma ang mga ito sa mga idineklarang yaman sa SALN.
