Aabot sa 70,000 hanggang 80,000 Overseas Filipino Workers (OFW)’s na apektado ng pandemya ang inaasahang uuwi sa bansa.
Ayon kay OWWA Administrator Hans Cacdac, bukod pa sa nasabing bilang ang humigit kumulang 5,000 OFW’s na apektado ng travel ban sa United Arab Emirates (UAE), at mga regular na pasahero na uuwi talaga ng bansa.
Matatandaang pinalawig hanggang Hunyo 30 ang travel ban sa UAE at anim pang mga bansa dahil sa Delta variant.
Samantala, sinabi pa ni Cacdac na aprubado na ng Department of Budget and Management (DBM) ang P5.2 bilyon sa ilalim ng special allotment release order.
Mas mababa ito kumpara sa hinihingi nilang p9.8 bilyon.
Ang P5.2 bilyon ay gagamitin para sa accommodation, cash aid at repatriation expenses ng mga displaced OFW’s. —sa panulat ni Hyacinth Ludivico