Inaasahang maglalabas ng hatol ang Senate Impeachment Court sa kaso ni Vice President Sara Duterte sa December 16.
Kinumpirma ito ng tagapagsalita ng korte na si Atty. Regie Tongol matapos muling baguhin ang iskedyul ng mga pagdinig.
Ayon kay Atty. Tongol, iniangkop ng Senado ang iskedyul ng impeachment trial upang mapagsabay ang pagdinig sa kaso at ang regular na tungkulin nito bilang lehislatura.
Kabilang umano sa mga pagbabago ang paglipat ng paglahad ng testimonya ng witness mula sa Anti-Money Laundering Council.
Samantala, inaasahang matatapos ng prosecution ang paglalahad ng kanilang mga ebidensya sa loob ng susunod na dalawang linggo, kung walang madaragdag na testigo o ebidensya. | Sa panulat ni Reabelle Medina
