Pinaalalahanan ang hanay ng Philippine Air Force na manatiling non-partisan at apolitical ngayong papalapit na ang halalan 2022.
Ito ang binigyang diin ng Commanding General ng Air Force na si Lt/Gen. Connor Anthony Canlas Sr. bilang pagsunod na rin sa atas ni Armed Forces of the Philippines (AFP) Chief of Staff, Gen. Andres Centino.
Ayon kay Canlas, kailangang matiyak ng Air Force na masunod ang kautusan ni Pangulong Rodrigo Duterte na tiyaking ligtas, mapayapa at patas ang gagawing Halalan.
Dahil dito, pinasabihan ni Canlas ang lahat ng tauhan nito na iwasan ang paglalabas ng anumang pahayag lalo na sa social media hinggil sa mga personal nilang opinyon na patungkol sa pulitika upang hindi maimpluwensyahan ang buo nilang hanay.
Kaisa ang Air Force ng iba’t ibang yunit ng AFP bilang mga deputized agencies ng Commission on Elections (COMELEC) para sa isang ligtas na Elekyon sa taong ito. —ulat mula kay Jaymark Dagala (Patrol 9)